Mhaswad's sacred caves will open this Mahashivaratri for a rare darshan of the self-manifested Shivling, drawing devotees from across the region."Sakal
सातारा
Mahashivratri : महाशिवरात्रीनिमित्त म्हसवडचे 'हे' भुयार खुले होणार; स्वयंभू शिवलिंगाचे दर्शन होणार
Satara News : सिद्धनाथ देवस्थान ट्रस्टने गतवर्षी या भुयारात भाविकांना शिवलिंगाच्या दर्शनासाठी सुलभतेने उतरण्यासाठी सुसज्ज व सुरक्षित दगडी पायऱ्यांची सुविधा केली आहे. त्यामुळे भाविकांना जलद गतीने दर्शनबारीतून शिवलिंगाच्या दर्शनाचा लाभ मिळू शकणार आहे.
-सलिम चोपदार
म्हसवड : महाराष्ट्र, कर्नाटक व आंध्रप्रदेश राज्यातील भाविकांचे कुलदैवत व श्रद्धास्थान असलेले येथील श्री सिद्धनाथ देवस्थान मंदिराच्या मूर्तीखालील भुयारातील स्वयंभू शिवलिंग महाशिवरात्रीनिमित्त वर्षातून एकदाच भाविकांना दर्शनासाठी खुले करण्यात येते. यंदा बुधवारी (ता. २६) महाशिवरात्रीनिमित्त हे भुयार भाविकांना दर्शनासाठी रात्री दहा वाजता खुले केले जाणार आहे, अशी माहिती सिद्धनाथ देवस्थान ट्रस्टचे अध्यक्ष वैभव गुरव, उपाध्यक्ष रवीकिरण गुरव व सचिव दिलीप कीर्तन -गुरव यांनी दिली.