मंडलाधिकारी, तलाठ्यास लाथाबुक्‍क्‍यांनी मारहाण; 25 जणांवर गुन्हा

म्हसवड (जि. सातारा) : अवैध वाळू वाहतूक करीत असलेल्या पिकअप वाहनावर कारवाई करत असलेले मंडलाधिकारी शरद सानप, सिद्धार्थ जावीर यांना जिवे मारण्याची धमकी देत शिवीगाळ करून मारहाण करण्यात आल्याची घटना ढाकणी येथे घडली. या प्रकरणी पळशी (ता. माण) येथील 25 जणांविरोधात म्हसवड पोलिस ठाण्यात फिर्याद दाखल झाली आहे.
 
याबाबत पोलिसांनी सांगितलेली माहिती माहिती अशी, गुरुवार रात्री तहसीलदार बी. एस. माने यांच्या आदेशानुसार तालुक्‍यातील भरारी पथक ढाकणी-पानवन रस्त्यालगत वाहनामधून अवैध वाळू वाहतूक करत असलेली माहिती भरारी पथकातील मार्डीचे मंडलाधिकारी शरद दादासाहेब सानप, शिंगणापूरचे मंडलाधिकारी सिद्धार्थ जावीर, गोंदवले बुद्रुक मंडलाधिकारी भरत कर्णे व दहिवडचे तलाठी श्‍याम सूर्यवंशी यांना मिळताच हे सर्व जण रात्री साडेनऊ वाजता ढाकणी येथे आले व अवैध वाळू वाहतूक करत असलेले पिकअप वाहन पकडले.

भाजप हटाव, देश बचाव

यानंतर वाहनाचा चालक रवी राजेंद्र खाडे हा वाळू वाहतुकीचा कोणताही परवाना नसताना सहा हजार रुपये किमतीची एक ब्रास वाळू स्वतःच्या आर्थिक फायद्यासाठी वाहतूक करत होता. म्हणून चालकास वाहन म्हसवड पोलिस ठाण्यात घेऊन चल, असे सांगितले असता त्याने जवळच्या मोबाईलवरून संपर्क करताच लगेच सहा- सात मोटारसायकलीवरून 20 -25 जण घटनास्थळी जमा झाले. त्यांनी वाहन पुढे पोलिस ठाण्यात घेऊन जायचे नाही, असे म्हणून भरारी पथकातील मंडलाधिकारी यांना मोठमोठ्याने शिवीगाळ व दमदाटी करून चालक रवी राजेंद्र खाडे व इतर जमावाने भरारी पथकातील मंडलाधिकारी व तलाठी यांना हाताने व लाथाबुक्‍क्‍यांनी मारहाण केली. 

सातारा : दीपाली चव्हाणांना वाईट वागणूक मिळत असल्याचा मी पुरावा देऊ शकतो

या वेळी जमावाने शासकीय कामात अडथळा आणून भरारी पथकातील महसूल विभागाचे कोण कोण आले आहे. त्यांना शोधून मारा. आज त्यांना येथून जाऊ देऊ नका. असा आरडाओरडा करत पुन्हा मारहाण केली. वाहन पळवून घेऊन पसार झाले. 
शासकीय कामात अडथळा आणून मंडलाधिकारी व तलाठी यांना मारहाण करून वाहन पळवून नेल्याप्रकरणी पळशी येथील रवी राजेंद्र खाडे व इतर 20-25 जणांवर गुन्हा दाखल करण्यात आला असून, पुढील तपास सहायक पोलिस निरीक्षक बाजीराव ढेकले करत आहेत. 

Edited By : Siddharth Latkar