नवरा बायकाेच्या भांडणात हवालदाराला खावा लागला मार

कुडाळ (जि. सातारा) : हुमगाव (ता. जावळी) येथे पती आणि पत्नीचे भांडण सोडवण्यासाठी गेलेल्या कुडाळ पोलिस ठाण्याचे पोलिस हवालदार पद्मसेन संभाजीराव घोरपडे (वय 28) यांना महिलेच्या पतीने मारहाण करत जखमी केले असल्याची माहिती पोलिसांनी दिली.
 
याबाबत पोलिसांनी दिलेल्या माहितीनुसार, पोलिस मुख्यालय सातारा येथे हुमगाव (ता. जावळी) येथील अश्विनी संतोष पवार हिने पती संतोष पवार हा मारहाण करत आहे. यासंदर्भात मला मदत करावी, असा दूरध्वनीवरून पोलिस मुख्यालयात कॉल केला होता. यावरून सातारा येथील पोलिस मुख्यालयावरून याप्रकरणी कुडाळ पोलिस ठाण्यामध्ये या महिलेच्या तक्राराची खात्री करून पुढील कारवाई करावी, असे आदेश मिळाले.

यानुसार पोलिस हवालदार घोरपडे यांनी हुमगाव येथे जाऊन या घटनेची माहिती घेतली. या वेळी पती- पत्नी भांडण करत होते, ते सोडवण्यासाठी गेले असताना महिलेचा पती संतोष पवार याने घोरपडे यांना मारायला सुरुवात केली व जखमी केले. यावरून त्याच्या विरोधात गुन्हा दाखल करण्यात आला आहे. संशयित संतोष पवारला अटक करण्यात आली आहे. अधिक तपास सहायक पोलिस निरीक्षक महेश कदम करत आहेत. 

जावळीची कुपोषणमुक्तीकडे वाटचाल : सतीश बुद्धे

उसाच्या ट्रॉलीला कारच्या धडकेत मेढ्यातील चौघे गंभीर 

कुडाळ (जि. सातारा) : येथील पोलिस दूरक्षेत्रापासून जवळच उभ्या असलेल्या एका उसाच्या ट्रॉलीला पहाटे तीनच्या सुमारास कारने मागून जोरदार धडक दिल्याने मेढा येथील चौघे गंभीर जखमी झाले आहेत. त्यांना तातडीने सातारा येथील शासकीय रुग्णालयात पुढील उपचारासाठी पाठवले आहे. या अपघातात मेढा येथील भाजीपाला व्यापारी आनंदा ढेबे, त्यांची पत्नी व अन्य दोघे जखमी झाल्याची माहिती पोलिसांनी दिली.
 
पोलिसांनी सांगितले, की मेढा येथील भाजीपाला व्यापारी आनंद ढेबे हे भाजीपाला आणण्यासाठी कारमधून पहाटे वाईकडे निघाले होते. दरम्यान, कुडाळ पोलिस दूरक्षेत्रापासून जवळ रस्त्याच्या कडेला उसाने भरलेली ट्रॅक्‍टर ट्रॉली उभी होती. या ट्रॉलीला कारची धडक बसली. धडकेच्या आवाजाने तसेच गाडीतील लोकांच्या किंकाळ्या ऐकून परिसरातील लोक झोपेतून जागे होऊन घटनास्थळी धावले. दूरक्षेत्रातील सहायक पोलिस उपनिरीक्षक वाव्हळ तसेच कर्मचारी तातडीने घटनास्थळी पोचून कारमध्ये अडकलेल्यांना बाहेर काढण्यासाठी प्रयत्न केला.
 
कारमधील अडकलेल्यांना बाहेर काढण्यासाठी जेसीबीची मदत घ्यावी लागली. सुदैवाने कोणतीही जीवितहानी झाली नाही. जखमींना पुढील उपचारासाठी सातारा येथे पाठवण्यात आले. दरम्यान, ट्रॉलीला रिफ्लेक्‍टर लावले नसल्याने हा अपघात घडला असावा, असा प्राथमिक अंदाज वर्तविण्यात येत आहे.

कानून के हाथ बहुत लंबे होते है! पुण्यातील कुख्यात गुंड गजा मारणेला साताऱ्यात अटक

जाहिरातबाजीमुळे पुसेगावची बाजारपेठ विद्रूप; अनधिकृत बॅनर्स, पोस्टर्सवर कारवाईची गरज

अटीतटीच्या लढतीत राष्ट्रवादीची बाजी

सातारा-सांगली सीमेवरील निवीत बिबट्याचा धुमाकूळ; चार दिवसांत तीन शेळ्यांसह बोकडाचा फडशा

Edited By : Siddharth Latkar