MLA Dr. Bhosale stresses on safety in flyover construction and provides instructions to NHAI officials."Sakal
सातारा
Atul Bhosale : उड्डाणपूल उभारणी कामात सावधानता बाळगा : आमदार डॉ. भोसले; राष्ट्रीय राजमार्ग प्राधिकरण अधिकाऱ्यांना सूचना
Karad News : भविष्यात अशी कुठलीही घटना घडू नये, कोणत्याही प्रकारची जीवितहानी होऊ नये, यासाठी उड्डाणपूल उभारणीच्या कामात राष्ट्रीय राजमार्ग प्राधिकरण अधिकारी व ठेकेदार कंपनीने सावधानता बाळगावी.
मलकापूर : येथे कोल्हापूर नाक्याजवळ सुरू असलेल्या महामार्ग उड्डाणपुलाचा सेगमेंट बसविताना अचानक निसटल्याने दोन कामगार जखमी झाल्याची घटना शनिवारी रात्री घडली होती. त्या पार्श्वभूमीवर आमदार डॉ. अतुल भोसले यांनी प्रत्यक्ष घटनास्थळी भेट देऊन उड्डाणपूल उभारणीच्या कामाची पाहणी केली. उड्डाणपूल उभारणीच्या कामात सावधानता बाळगण्याच्या सूचना राष्ट्रीय राजमार्ग प्राधिकरण अधिकारी, ठेकेदार कंपनीला दिल्या.