'लय मस्ती आलीया वाटतं; सभासदांची नव्हे, माझी जिरवून दाखवा'

Udayanraje Bhosale
Udayanraje Bhosaleesakal
Summary

खासदार उदयनराजे भोसले यांनी बँकेकडे ईडीच्या नोटिसीची माहिती मागितली होती.

सातारा : जिल्हा मध्यवर्ती बँकेनं (Satara Bank) जरंडेश्वर साखर कारखान्याला दिलेल्या कर्जवाटपप्रकरणी जिल्हा बँकेला ईडीची नोटीस (Ed notice) आलीय. या नोटिसी संदर्भात खासदार उदयनराजे भोसले (MP Udayanraje Bhosale) यांनी बँकेकडे माहिती मागितली असता, बँकेच्या संचालकांनी ही माहिती देण्यास नकार दिला. यानंतर उदयनराजे चांगलेच संतापल्याचे पहायला मिळाले. त्यांनी हात जोडून विनंती करत, बँकेच्या सभासदांची जिरवू नका, माझी जिरवायची असेल तर जिरवा, असं आवाहन त्यांनी केलंय.

जरंडेश्वर कारखान्याला (Jarandeshwar Factory) जिल्हा बँकेने दिलेल्या कर्जाची आणि ईडीच्या (ED) चौकशीची लेखी माहिती जिल्हा बँकेचे संचालक खासदार उदयनराजे भोसले यांनी बँकेकडे (Satara Bank) मागितली होती. मात्र, हे संपूर्ण प्रकरण न्यायप्रविष्ट असल्याचे सांगत संचालक मंडळाने ही माहिती देण्यास नकार दिला होता. बँकेच्या संचालक मंडळाकडून देण्यात आलेल्या या उत्तरानंतर आज खासदार उदयनराजे यांनी संतप्त प्रतिक्रिया दिलीय.

Udayanraje Bhosale
सोमय्यांनी आरोप केलेल्या 'जरंडेश्वर'ची माहिती देण्यास बँकेचा उदयनराजेंना नकार

उदयनराजे म्हणाले, बँक टिकून रहावी असं मला वाटत आहे. मला माहिती आहे की, मी बोलत असताना अनेकांना वाटत असेल की खूप मस्ती आलीय. माझी नका जिरवू, मेहरबानी करा... माझी विनंतीय. मी तुमचा कोणाचा दुश्मन नाहीये. हात जोडून विनंती करतो... ही बँक शेतकरी आणि शेतकरी सभासदांची आहे. या गोरगरीब शेतकरी सभासदांच्या वतीने विनंती करतो ही बँक राहू द्या. ही बँक शेतकऱ्यांची अर्थवाहिनी आहे. सभासदांची जिरवू नका, माझी जिरवायची असेल तर जिरवा, असं आवाहन त्यांनी दिलंय. ते कोण मला पॅनलमध्ये घेणारे, मी ठरवतो कुठं जायचं... परिणामांना मी घाबरत नाही, जे व्हायचंय ते होऊ द्या, असा इशारा त्यांनी राष्ट्रवादीला दिलाय. मी कोणाच्या विरोधात बोलत नाही. मी शेतकऱ्यांच्या हिताचं बोलतोय, असंही उदयनराजेंनी सांगितलं.

Udayanraje Bhosale
ठरलं! उदयनराजेंविरोधात राष्ट्रवादी देणार तगडा उमेदवार

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com