मुकेश सजगाणे एमपीएससीत एनटीसी प्रवर्गातून राज्यात प्रथम

म्हसवड - महाराष्ट्र लोकसेवा आयोग स्पर्धा परिक्षेत विरकरवाडी- म्हसवड येथील मुकेश अंकुश सजगाणे याची एनटी-सी प्रवर्गात गटविकास अधिकारी वर्ग दोन या पदावर राज्यात प्रथम क्रमांकाने निवड झाली आहे. मुकेश सजगाणे हा विरकरवाडी गावचा रहिवासी असून तो मॅकॅनिकल इंजिनिअर आहे. त्याने अत्यंत प्रतिकूल परिस्थितीवर मात करून प्रचंड मेहनतीने हे यश मिळवले आहे.

घरची परिस्थिती बेताचीच , असताना अनेक कौटुंबिक समस्येवर मात करत मुकेश सजगाणे यांनी हे यश मिळवले आहे. मुकेश सजगाणे यांची निवड झाल्याचे सजताच त्याची आई सुनंदा,वडील अंकुश सजगाणे,चुलते वस्ताद सजगाणे,गजानन सजगाणे, आणि संपूर्ण सजगाणे कुटुंबातील सदस्यांना अत्यानंदीत झाला. मुकेश सजगाणे यांचे स्पर्धा परिक्षेत प्रथम क्रमांकाने यश संपादन केलेने विरकरवाडी - म्हसवड येथील नागरिकांनी त्यांचे अभिनंदन केले