ग्रामस्थांनाे! 31 मार्चपर्यंत संचारबंदी लागू; सायंकाळी पाचनंतर घराबाहेर पडू नका

सातारा : खंडाळा तालुक्‍यातील शिरवळ व लोणंद या ठिकाणी मोठ्या संख्येने कोरोना बाधित रुग्ण आढळून येत असल्याने सहाय्यक जिल्हाधिकारी  मनिषा आव्हाळे यांनी शिरवळ व लोणंद या भागात संचारबंदी लागू करण्याचा निर्णय जाहीर केला आहे. विशेष म्हणजे ही संचारबंदी दाेन टप्प्यात असणार आहे असे आदेशात नमूद करण्यात आले आहे. 

सातारा जिल्ह्यातील मंगळवारी रात्री खंडाळा तालुक्यात काेविड रुग्णांमध्ये शिरवळ 6, मिरजे  6, लोणंद 9, खंडाळा 5, बावडा 1,  अहिरे 1, घाटदरे 1,  सांगवी 2 असे वाढले. परिणामी वाढती रुग्ण संख्या राेखण्यासाठी तसेच साखळी ताेडण्यासाठी दाेन टप्प्यात संचारबंदी लागू करण्यात आली आहे.

नव्या आदेशात खंडाळा तालुक्‍यातील हॉटेल्स, खाद्यगृह , दुकाने या ठिकाणी एकूण क्षमतेच्या 50 टक्के ग्राहकांना प्रवेश द्यावा. संबंधित ठिकाणी प्रवेश देताना मास्कचा वापर अनिवार्य असेल. मास्कचा वापर न करणा-या व्यक्तींवर पाचशे रुपये दंड आकारण्यात करण्यात येईल. दुकानांमध्ये प्रत्येक ग्राहकांना सहा फुटाचे अंतर राखणे बंधनकारक राहील. तसेच एंट्री आणि एक्‍झीट पॉईंटवर थर्मल स्कॅनिंग , हॅण्डवॉश , सॅनिटायझर यांची व्यवस्था करावी असे नमूद करण्यात आली आहे. 

ही संचारबंदी संध्यकाळी पाच ते रात्री नऊ आणि सकाळी सहा वाजल्यासून ते सकाळी दहा वाजेपर्यंत राहील असेही आदेशात नमूद करण्यात आले आहे. याचा अर्थ नागरिकांसाठी सकाळी दहा ते सायंकाळी पाच यावेळेतच बाजारपेठ, कार्यालय सुरु राहतील. या संचारबंदीच्या आदेशाची तातडीने अंमलबजावणी करण्यात येणार आहे. ही संचारबंदी 31 मार्च 2021 पर्यंत असणार आहे असे आव्हाळे यांनी आदेशात नमूद केले आहे. या आदेशाचे उल्लंघन करणा-यांवर आपत्ती व्यवस्थापन कायदा, 2005 मधील तरतूदीनूसार कायदेशीर कारवाई करण्यात येईल असे आदेशात नमूद करण्यात आले आहे.

Video पाहा : काळजी घ्या घाबरु नका; लसीकरणासाठी ग्रामपंचायतस्तरावर केंद्र 

चर्चाच चर्चा : पृथ्वीराज चव्हाणांचा वाढदिवसाचा फ्लेक्स ठरणार जनशक्तीसाठी पाॅवरगेम