मुंबई -पंढरपूर प्रवासात हरविलेले पैशांचे पाकीट मिळाल्याने प्रवासी सुखावला

कोळकी (जि. सातारा) : प्रामाणिकपणा अजूनही शिल्लक असल्याचे उदाहरण नुकतेच फलटण एसटी आगारामध्ये समोर आले आहे. एक प्रवाशाने एसटीत सापडलेले पाकीट प्रामाणिकपणे आगारात आणून दिले आहे. 

राज्य परिवहन महामंडळाच्या मुंबई-पंढरपूर या बसने प्रवास करणारे प्रवासी नीलेश इथापे यांना बसमध्ये एका प्रवाशाचे पैशाचे पाकीट व कागदपत्रे प्रवासात पडलेले सापडले. त्यामध्ये चार हजार 600 रुपये होते. मात्र, श्री. इथापे यांनी हे पाकीट प्रामाणिकपणे फलटण स्थानकप्रमुख कार्यालयात वाहतूक निरीक्षक दत्तात्रय महानवर यांच्याकडे जमा केले.

हीच ती वेळ : सातारा पालिका जिंकू शकते हद्दवाढीतील नागरिकांचा विश्वास

श्री. इथापे हे मुंबई येथे न्यू मुंबई बस ट्रान्स्पोर्टच्या सिटी बसवर वाहक म्हणून काम करतात. सापडलेले पाकीट श्री. कदम यांचे असल्याचे समजले आहे. श्री. इथापे यांच्या प्रामाणिकपणाबद्दल फलटण आगार प्रशासनातर्फे त्यांचे अभिनंदन करण्यात आले. या वेळी सहायक वाहतूक निरीक्षक नंदकुमार सोनवलकर, चालक मंगेश शिर्के, वाहक आय्याज शेख व प्रवासी उपस्थित होते.

Edited By : Siddharth Latkar