शिरवडे (जि. सातारा) : शिरवडे स्टेशन, नडशी कॉलनी परिसरात शुक्रवारी तासभर मुसळधार पाऊस झाला. यामुळे येथील विद्युत यंत्रणेचे डी.पी. जळाल्याने कोणेगाव येथे विजेचे खांब पडून विद्युत पुरवठा खंडित झाला. परंतु विद्युत पुरवठा खंडित असताना विद्युत मंडळाचे कर्मचारी वडोली रस्त्याला असणाऱ्या सबस्टेशनवर एका अधिकाऱ्याच्या निरोप समारंभात रमल्याची चर्चा दिवसभर रंगली.
चोवीस तास उलटून गेल्यानंतरही या परिसरातील विद्युत पुरवठा सुरळीत होऊ शकला नाही अशी खंत ग्रामस्थांनी व्यक्त केली. तब्बल चोवीस तासांनंतर डिपी आणण्याची तसदी कर्मचाऱ्यांनी घेतली. त्यासाठीची मदत देखील ग्रामस्थांनी केली.
मुंबई पालिकेनं सुरु केलेले संध्याकाळचे दवाखाने मार्च महिन्यापासून बंदच
या घटनेची सविस्तर माहिती अशी - शुक्रवारी दुपारनंतर कोपर्डे हवेली, नडशी, शिरवडे भागाला वादळी पावसाने झोडपले. विज गेल्याने स्थानिक ग्रामस्थआंनी वीज वितरण कर्मचाऱ्यांना संपर्क करून घडलेल्या घटनेची माहिती दिली. परंतु त्याबाबत तातडीने कार्यवाही झाली नाही.
ऑक्टोबर हिट आणि सणासुदीच्या मोक्यावर वीज गायब झाल्यामुळे ग्रामस्थांना प्रचंड त्रास सहन करावा लागला. याबाबत महावितरणचे अधिकारी चेतन कुंभार यांच्याशी संपर्क साधला असता त्यांच्याकडून समर्पक उत्तरे मिळाली नाहीत. तसेच कर्मचाऱ्यांची पाठराखण करत त्यांनी झालेला प्रकार सर्वसाधारण असल्याचे सांगितले. दरम्यान या भागातील विद्युत पूरवठा सुरळीत झाला असून ग्रामस्थांनी कर्मचा-यांना सहकार्य केल्यानेच सेवा सुरळीत हाेऊ शकली अन्यथा कर्मचा-यांच्या भरवशावर आणखी किती दिवस लागले असते ते न बाेललेच बरे असा सूर परिसरात विद्युत मंडळाबद्दल उमटला आहे.
पुणे- सातारा रस्ता जेसीबीने उखडणार; उदयनराजेंचा इशारा
Edited By : Siddharth Latkar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
