कऱ्हाड : कऱ्हाड-चिपळुण महामार्गावर (Karad-Chiplun Highway) काल रात्री अकराच्या सुमारास ओमनी कार व दुचाकीची समोरासमोर धडक झाली. त्यामध्ये ओमनी चालक, दुचाकी चालक व पाठीमाने बसलेला एकजण असे तीघे गंभीर जखमी (Seriously injured) झाले. ओमनी चालक असीफ आजीज मुल्ला (वय ३१ - कार्वे नाका कऱ्हाड), विशाल प्रकाश जाधव (२८, शेणोली) व सुनिल दिनकर चव्हाण ३४, कालवडे) अशी जखमींची नावे आहेत. संबंधितांना उपचारासाठी कृष्णा रुग्णालयात (Krishna Hospital) दाखल करण्यात आल्याची माहिती शहर पोलिसांनी दिली.
पोलिसांची माहिती अशीः कऱ्हाड-चिपळुण महामार्गावर काल रात्री अकराच्या सुमारास पाटणहुन कऱ्हाडकडे निघालेली ओमनी कार (एम एच- 12- एएन-8490) आणि कऱ्हाडवरुन पाटणकडे निघालेली दुचाकी यांच्यात आरटीओ कार्यालयापुढील बाजुस समोरासमोर धडक झाली. दोन्ही वाहनांच्या धडकेचा मोठा आवाज झाल्याने परिसरातील नागरिकांनी घटनास्थळी मोठी गर्दी केली होती. या अपघातात ओमनी गाडीचा चालकाकडील बाजूचे मोठे नुकसान झाले आहे. तर दुचाकीचा पुढील सर्व भाग तुटला आहे. दरम्यान अपघातात ओमनी चालकासह दुचाकीवरील दोघे गंभीर जखमी झाले. तेथे जमलेल्या नागरीकांनी संबंधित जखमींना तातडीने कृष्णा रुग्णालयात उपचारासाठी दाखल केले. दरम्यान कऱ्हाड शहर पोलिस ठाण्यातील अपघात विभागाचे हवालदार जाधव, धीरज चतुर यांनी तातडीने घटनास्थळी धाव घेवुन वाहने बाजुला केली. त्यानंतर पंचनामा केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
