पोलिसांच्या सतर्कतेने जिल्हाधिकारी कार्यालयात आत्मदहनाचा प्रयत्न फसला

सातारा : शिरवळ येथील बिल्डर गायकवाड याने महसूल खात्याच्या अधिकाऱ्यांशी संगनमत करून संतोष मोहिते (रा. शिरवळ) यांच्या हद्दीत बेकायदेशीर बांधकाम केले आहे. त्यावर कारवाई होत नसल्याने संतोष मोहिते यांनी मंंगळवारी (ता.3) जिल्हाधिकारी कार्यालयाच्या पोर्चमध्ये रॉकेल अंगावर ओतून घेत आत्मदहनाचा प्रयत्न केला. पोलिसांनी वेळीच हस्तक्षेप केल्याने अनर्थ टळला. त्यांच्यावर सातारा शहर पोलिस ठाण्यात गुन्हा दाखल करण्यात आला आहे.
 
संतोष ज्ञानोबा मोहिते (रा. गणेशकुंज सोसायटी, शिरवळ) यांच्या मालकीच्या जागेत बिल्डर आनंद गायकवाड याने महसूल खात्याच्या अधिकाऱ्यांना हाताशी धरून बेकायदेशीर बांधकाम केले आहे. याबाबत न्यायालयानेही बांधकाम स्थगितीचे आदेश दिले असतानाही बांधकाम सुरू आहे. याबाबत जिल्हाधिकारी यांना निवेदन देऊन कारवाई करावी, अशी मागणी श्री. मोहिते यांनी केली होती. मात्र, वेळेत कारवाई न झाल्याने मंगळवारी (ता.3) जिल्हाधिकारी कार्यालयाच्या पोर्चमध्ये अंगावर रॉकेल ओतून घेत श्री. मोहिते यांनी आत्मदहनाचा प्रयत्न केला.

पाेलिस बनले भिकारी, रुग्ण अन् कुरिअर बाॅय; फरारी आराेपी पकडले


या वेळी पोलिसांच्या सतर्कतेमुळे अनर्थ टळला. पोलिसांनी त्यांना ताब्यात घेतले असून, त्याच्यावर सातारा शहर पोलिस ठाण्यात गुन्हा दाखल करण्यात आला आहे.

Edited By : Siddharth Latkar