सातारा : सातारा जिल्ह्यात कोरोना संसर्गाचे प्रमाण वाढत असून, कोणताही रुग्ण बेडपासून वंचित राहणार नाही. यासाठी जिल्ह्यातील ऑक्सिजन बेडची व व्हेंटिलेटरची संख्या वाढवा. शासनाने आणखीन कडक निर्बंध जाहीर केले, तर त्यांच्या अंमलबजावणीसाठी गृह विभागाने मनुष्यबळ तयार ठेवावे, अशा सूचना गृह (ग्रामीण) राज्यमंत्री शंभूराज देसाई यांनी केल्या आहेत.
जिल्हाधिकारी कार्यालयातील परिषद सभागृहात आज कोरोना संसर्गाचा आढावा गृह (ग्रामीण) राज्यमंत्री देसाई यांनी घेतला. या वेळी जिल्हाधिकारी शेखर सिंह, मुख्य कार्यकारी अधिकारी विनय गौडा, पोलिस अधीक्षक अजय कुमार बन्सल, अतिरिक्त जिल्हाधिकारी रामचंद्र शिंदे, प्रांताधिकारी मिनाज मुल्ला, जिल्हा आरोग्य अधिकारी डॉ. अनिरुद्ध आठल्ये उपस्थित होते.
कोरोनाबाधित रुग्णांची संख्या पाहता रेमडेसिव्हिर औषधांचा अधिकचा पुरवठा जिल्ह्यासाठी व्हावा, यासाठी शासनाला पत्र द्या, अशा सूचना करून राज्यमंत्री देसाई म्हणाले, ""सध्या जिल्ह्यात तीन हजार ऑक्सिजन बेड व 200 व्हेंटिलेटर आहेत. भविष्याचा विचार करून ऑक्सिजन बेड व व्हेंटिलेटरची संख्या वाढवली पाहिजे. शासनाने लॉकडाउन किंवा कडक निर्बंध जाहीर केले, तर त्यांच्या अंमलबजावणीसाठी गृह विभागाने मनुष्यबळ तयार ठेवावे, तसेच नागरिकांनी मास्कचा, वेळोवेळी सॅनिटायझरचा, सुरक्षित अंतर याचे पालन केले पाहिजे. याबरोबरच गर्दीच्या ठिकाणी जाणे टाळले पाहिजे.''
कऱ्हाडात फॅन्सी नंबर प्लेटसह धूम स्टाइल सुसाट; पोलिसांची तब्बल 27 हजार युवकांवर कारवाई
Edited By : Siddharth Latkar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
