Pusegaon : पुसेगाव बसस्थानकात प्रवासी उन्‍हातान्हात: आसन व्यवस्था, निवारा शेड, माहिती कक्षाची वानवा; विद्यार्थ्यांचीही गैरसोय

-ऋषिकेश पवार

पुसेगाव : गेल्या काही दिवसांपासून उन्हाचा तडाखा वाढला आहे. सकाळपासूनच बाहेर फिरताना नागरिकांच्‍या घामाच्या धारा वाहत आहेत. वाढते तापमान नागरिकांसाठी त्रासदायक ठरत असताना येथील बसस्थानकावर आसन व्यवस्था, निवारा शेड, पूर्ण वेळ माहिती कक्ष, पिण्याचे पाणी अशा अनेक सुविधांचा अभाव असल्याने प्रवाशांना मोठ्या त्रासाला सामोरे जावे लागत आहे.