येरळा नदीतून हाेणारी वाळूची तस्करी तलाठ्याने राेखली

विसापूर (जि. सातारा) : पुसेगावचे (ता. खटाव) तलाठी गणेश बोबडे यांनी शुक्रवारी (ता. पाच) रात्री दीड वाजताच्या सुमारास येरळा नदीतून वाळूची तस्करी करणाऱ्या एका ट्रॅक्‍टरला जरंबी (राजापूर) या ठिकाणी पकडले. हा ट्रॅक्‍टर पुसेगाव पोलिस ठाण्यात लावण्यात आला असून, अवैध वाळू वाहतूक करणाऱ्या अजित शिवाजी घनवट (रा. राजापूर, ता. खटाव) याच्याविरुद्ध महसूल प्रशासनाकडून कारवाई करण्यात आली आहे. 

खटाव तालुका उत्तर भागातील येरळा नदीपात्रातील वाळू साठ्याचा अधिकृत लिलाव झालेला नाही. असे असतानाही या भागातून मोठ्या प्रमाणावर वाळूउपसा होत असल्याची माहिती महसूल प्रशासनाला मिळाल्यानंतर प्रांताधिकारी शैलेश सूर्यवंशी, तहसीलदार किरण जमदाडे, सहायक पोलिस निरीक्षक विश्वजित घोडके यांच्या मार्गदर्शनाखाली अवैध वाळू तस्करी रोखण्यासाठी रात्री बाराच्या सुमारास तलाठी बोबडे हे आपल्या सहकाऱ्यांसोबत गेले असता त्यांनी ही कारवाई जरंबी (राजापूर) येथे केली. महसूल प्रशासनाने केलेल्या या कारवाईचे परिसरात कौतुक होत असून, वाळू तस्करांविरुद्ध कठोर पावले उचलण्याची मागणी नागरिक करत आहेत. 

दरम्यान, काटेवाडी परिसरातील येरळा नदीपात्रातून वाळूचोरीला आळा घालण्यासाठी पुसेगावचे तलाठी बोबडे यांनी शक्कल लढवली असून, नदीकडे जाणाऱ्या मुख्य रस्त्यावर जेसीबी मशिनने चर खोदली आहे. यामुळे कोणतेही वाहन नदीपात्राकडे जाऊ शकत नसल्याने सध्या या ठिकाणी वाळूचोरी थांबली आहे.

""खटाव तालुक्‍यात महसूल प्रशासन निवडणूक प्रक्रियेत गुंतल्याचा फायदा वाळू तस्कर घेत होते. सध्या, वाळूचोरी रोखण्यासाठी विशेष पथके तयार करण्यात आली आहेत. अवैध वाळू उत्खनन व वाहतूक करताना आढळून आलेल्या यंत्रसामग्रीवर दंडात्मक कारवाई करण्यात येणार असून, संबंधित व्यक्तींवर फौजदारी गुन्हे देखील दाखल करण्यात येतील.'' 

-किरण जमदाडे, तहसीलदार, खटाव (वडूज) 

बाळूपाटलाच्या वाडीतील युवकाचा मारहाणीत मृत्यू

Positive Story : प्लॅस्टिकच्या समस्येवर सातारकरांनी शोधला नवा उपाय; युवकांच्या स्टार्टअप प्रयत्नांना मोठं यश

महाबळेश्वर तालुक्‍यात तापोळा, पुस्तकांच गाव भिलार, मकरंदगड, उत्वेश्वर यांसारखी अनेक गावे सध्या पर्यटनाची केंद्रे बनत आहेत. 

खुशखबर! UPSC उमेदवारांना मिळणार आणखी एक संधी; केंद्र सरकारचा परीक्षार्थींना मोठा दिलासा

Edited By : Siddharth Latkar