कऱ्हाड - कऱ्हाड (जि. सातारा) येथील पोलिस उपाधिक्षक अमोल ठाकुर यांची बदली झाली असुन त्यांच्याजागी पोलिस उपाधिक्षक म्हणुन तुरची येथील पोलिस प्रशिक्षण केंद्रातील राजश्री संभाजीराव पाटील यांची नियुक्ती झाली आहे..पोलिस उपाधिक्षक ठाकुर यांनी कऱ्हाड उपविभागात चांगले काम केले. त्यांच्या काळात ड्रग्ज, कोकेन सारख्या मोठ्या कारवाया त्यांनी करुन पोलिस दलाची मान उंचावली. त्याचबरोबर शहरातील लोकांचा पोलिसांशी सुसंवाद वाढावा, माहितीचे स्त्रोत बळकट व्हावे यासाठी श्री. ठाकुर यांनी कऱ्हाड मॅरेथॉनचे आयोजन केले. त्यामध्ये सुमारे तीन हजार कऱ्हाडकरांनी सहभाग घेतला..पोलिसांच्यावतीने पहिल्यांदाच ही घेण्यात आलेली मॅरेथॉन य़शस्वी झाली. त्याचबरोबर महिला, मुलींत त्यांच्या हक्क, कर्तव्याविषयी जनजागृती करण्यासाठी महिला, युवतींच्या सहभागाने निर्भया बाईक रॅलीही काढण्यात आली. त्याचबरोबर त्यांच्या काळात गणेशोत्सव सोहळा नागरीकांच्या, मंडळांच्या कार्यकर्त्यांच्या सहभागाने चांगल्या पध्दतीने पार पडला..त्यामुळे कऱ्हाडच्या गणेशोत्सवाचा जिल्ह्यामध्ये एक नवीन पायंडा पडला. श्री ठाकुर यांची ठाणे विभागामध्ये सहाय्यक पोलिस आयुक्त म्हणुन बदली झाली आहे. त्यांच्या जागी तुरची येथील पोलिस प्रशिक्षण केंद्रातील राजश्री संभाजीराव पाटील यांची नियुक्ती झाली आहे. श्रीमती पाटील यांनी यापुर्वी विविध ठिकाणी काम केले आहे..सातारा, फलटण, दहिवडी डीवायएसपींचीही बदलीपोलिस दलाने केलेल्या बदल्यांमध्ये सातारा ग्रामीणच्या पोलिस उपाधिक्षक सोनाली कदम यांची तुरची येथील पोलिस प्रशिक्षण केंद्रात बदली झाली आहे. त्याचबरोबर फलटणच्या पोलिस उपाधिक्षकपदी विशाल खांबे यांची नियुक्ती झाली आहे. ते सध्या जालना जिल्ह्यातील अंबड उपविभागात पोलिस उपाधिक्षक म्हणुन कार्यरत होते. दहिवडीच्या पोलिस उपाधिक्षक अश्विनी शेंडगे यांची बदली झाली असुन त्यांची पुणे येथील गुप्तवार्ता प्रबोधिनीच्या पोलिस उपाधिक्षकपदी बदली झाली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
