सातारा : फलटण तालुक्यातील साखरवाडी ग्रामपंचायत कार्यालयाच्या मागील बाजूस असलेली पडीक जागा बुद्ध विहारासाठी देण्यात यावी. यासाठी २६ वर्षे लढा सुरू असून या मागणीसाठी फलटण तहसिल कार्यालयासमोर ४३ दिवसांपासून आंदोलन सुरू आहे. याची दखल घेतली जात नसल्याने रिपब्लिकन पक्षाने (आठवले गट) आज जिल्हाधिकारी कार्यालयासमोर अर्धनग्न आंदोलन करत महायुती सरकारविरोधात घोषणाबाजी केली.