साताऱ्याच्या राजघराण्यातील शाही सीमोल्लंघन सोहळा रद्द, उदयनराजेंचा निर्णय
सातारा : छत्रपती राजघराण्यातील शाही सीमोल्लंघन सोहळा रद्द करण्यात आला आहे. कोरोना विषाणूच्या संसर्गाचा धोका विचारात घेऊन छत्रपती उदयनराजे भोसले यांनी हा महत्त्वाचा निर्णय घेतला आहे. दरवर्षी जलमंदिर येथून भवानी तलवारीच्या पुजनानंतर पोवई नाक्यापर्यंत ही भव्य शाही मिरवणूक जाते. मात्र, यंदा कोरोना संसर्गाच्या पार्श्वभूमीवर उदयनराजेंनी ही मिरवणूक रद्द करण्याचा निर्णय घेतला आहे.
छत्रपती शिवाजी महाराजांचे 13 वे वंशज श्रीमंत छत्रपती उदयनराजे भोसले यांच्या जलमंदिर पॅलेस याठिकाणी वर्षानुवर्षे परंपरागत शाही सीमोल्लंघन सोहळा साजरा करण्यात येतो. मात्र, यावर्षी हा सोहळा रद्द करण्याचा निर्णय राजघराण्याच्यावतीने घेण्यात आला आहे. कोरोनाचा धोका विचारात घेऊन हा निर्णय छत्रपती उदयनराजे भोसले यांनी घेतला आहे.
दरवर्षी या मिरवणुकीत शाही सोहळ्याला सातारकरांची मोठी गर्दी होत असते. मात्र, यावर्षी भवानी मातेच्या तलवारीचे विधीवत पूजन केले जाणार आहे. जलमंदिर पॅलेस ते पोवई नाकापर्यंत चालणारी भव्य शाही मिरवणूक मात्र रद्द करण्यात आली आहे. छत्रपतींच्या काळापासून ही मिरवणुकीची ही परंपरा आहे. इतक्या वर्षांनी प्रथमच ही परंपरा खंडित होत आहे. दरम्यान, कोल्हापुरातील उद्याचा (25 ऑक्टोबर) शाही दसरा सोहळा देखील रद्द करण्यात आला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.