"खो-खो'त मसूर क्रीडा मंडळ, साखरवाडीचे वर्चस्व

मसूर (जि. सातारा) : सातारा जिल्हा ऍमॅच्युअर खो-खो असोसिएशन व मसूर क्रीडा मंडळाच्या संयुक्त विद्यमाने येथे आयोजित पुरुष व महिला सातारा जिल्हा खो-खो अजिंक्‍यपद स्पर्धेत मुलांच्या गटात मसूर क्रीडा मंडळाने, तर मुलींच्या गटात साखरवाडी संघाने प्रथम क्रमांक मिळवला.

मुलांच्या गटात सातारा स्पोर्टस क्‍लबने, महिलांच्या गटात शिवनगर संघाने व्दितीय क्रमांक मिळविला. यावेळी भलरी रोपवाटिका अतित यांच्यातर्फे सर्वोत्कृष्ट खेळाडू म्हणून अकिब पटेल यास एक हजार रुपयांचे पारितोषिक देऊन सन्मानित करण्यात आले. अर्थ व शिक्षण सभापती मानसिंगराव जगदाळे, पोलिस उपनिरीक्षक प्रवीण जाधव यांच्या हस्ते बक्षीस वितरण झाले. कॉंग्रेसचे जिल्हा सरचिटणीस नंदकुमार जगदाळे, "महानंदा'चे संचालक वसंतराव जगदाळे, माई चॅरिटेबल ट्रस्टच्या अध्यक्षा संगीता साळुंखे, सेवानिवृत्त पोलिस उपअधीक्षक दिलीपसिंह जगदाळे, सरपंच पंकज दीक्षित, उपसरपंच विजयसिंह जगदाळे, महेंद्र भोसले, मनोहर यादव, विकास पाटोळे, कादर पिरजादे, सागर पाटोळे, कुलदीप क्षीरसागर, सातारा जिल्हा ऍमॅच्युअर खो-खो असोसिएशनचे सरचिटणीस महेंद्रकुमार गाढवे, निवड समिती सदस्य दादासाहेब चोरमले, मनीषा शिंदे, ज्ञानेश्वर जांभळे, शशिकांत गाढवे, मसूर क्रीडा मंडळाचे अध्यक्ष कासम पटेल, सदस्य शरद जाधव, सतीश शेजवळ उपस्थित होते. 

पंच म्हणून महाराष्ट्र राज्य पंच प्रशांत कदम, अनिकेत मोरे, अतुल मोरे, मयूर साबळे, आनंदा जगदाळे, तर गुणलेखक व वेळाधिकारी म्हणून लक्ष्मण जाधव, आकाश कदम यांनी काम पाहिले. मसूर क्रीडा मंडळाच्या सदस्यांनी स्वागत केले. संभाजी बर्गे व दिलीप माने यांनी सूत्रसंचालन केले. गोल्डन पवार यांनी आभार मानले. 

Thank You Doctor : बाळाचा बोटीत जन्म; ग्रामस्थांत आनंदाश्रू

आज माझा वाढदिवस! तुमच्याकडून मला हे गिफ्ट हवयं : उदयनराजे

घराच्या बाहेर न पडता ही 5 योगासनं करा; साथीचे रोग होतील कायमचे दूर

FasTag कसं मिळवाल आणि कधीपर्यंत असते वॅलिडिटी? वाचा सविस्तर

एक दूसरे से करते प्यार हम! राष्ट्रवादीत आल्यास त्यांच्या नेतृत्वात पॅनेल उभारु; भाजप आमदारास राष्ट्रवादीच्या नेत्याची माेठी ऑफर

Edited By : Siddharth Latkar