सातारा : कोरोना बाधितांच्या संख्येत 28 रुग्णांची भर पडली. मात्र, जिल्ह्यातील कोरोनामुक्तीची मालिका सुरूच असून, साेमवारी (ता.8) एकाच दिवसात 47 नागरिकांना घरी सोडण्यात आले. दोन नागरिकांचे मृत्यूपश्‍चात अहवाल पॉझिटिव्ह आले आहेत. 181 जणांचे अहवाल निगेटिव्ह आले, तर 252 जणांचे नमुने तपासणीसाठी पाठविण्यात आले आहेत. जिल्ह्यातील एकूण बाधितांची संख्या 649 झाली असून, कोरोनाने मृत्यू झालेल्यांची संख्या 28 आहे.
कोरोनाबाधित रुग्ण सापडण्याच्या प्रक्रियेने थोडी उसंत घेतली होती; परंतु नवे 28 रुग्ण आढळून आले. सकाळच्या सत्रात दहा बाधित आढळले. त्यामध्ये वाई तालुक्‍यातील पसरणी येथे मुंबईहून प्रवास करून आलेल्या 75 वर्षीय पुरुष (मृत) व सोमेश्वरवाडी येथील 68 वर्षीय महिला, खंडाळा तालुक्‍यातील आसवलीतील 60 वर्षीय पुरुष (संजीवनी हॉस्पिटलमध्ये उपचारादरम्यान मृत्यू), खटाव तालुक्‍यातील पाचवड येथील 30 वर्षीय पुरुष व विसापूर येथील 71 व 62 वर्षीय पुरुष, जावळी तालुक्‍यातील काळोशी येथील 39 वर्षीय महिला व प्रभुचीवाडी येथील 28 व 26 पुरुष व 50 वर्षीय महिलेचा समावेश आहे.
जिल्ह्यातील कोरोना रुग्ण बरे होण्याची प्रक्रिया सुरू राहिली. साेमवारी एकूण 47 जणांना घरी सोडण्यात आले. त्यामध्ये कृष्णा हॉस्पिटलमधील 18, सह्याद्री हॉस्पिटलमधील 10, खावली कोरोना केअर सेंटरमधील 6, पाचगणीतील बेलएअर हॉस्पिटलमधील पाच व मायणी मेडिकल कॉलेजमधील आठ जणांचा समावेश आहे.
दिवसात 181 रुग्णांचे अहवाल निगेटिव्ह
गेल्या 24 तासांत 181 जणांचे अहवाल निगेटिव्ह आले आहेत, तसेच 252 जणांचे नमुने तपासणीसाठी पाठविण्यात आले आहेत. त्यामध्ये जिल्हा रुग्णालयातील 29, शिरवळ येथील 20, कऱ्हाडातील 53, फलटणमधील 22, कृष्णा हॉस्पिटलमधील 37, वाई येथील 73, रायगावातील 7, मायणीतील 1, पाचगणीतील 10 जणांचा समावेश आहे.
...हा तर चालता-फिरता कलामहोत्सव!
रुग्णसेवेबरोबर पेंटिंगला नवा साज!
वाई तालुक्‍यात चिंतेचे वातावरण
गिघेवाडी, वडजलसह व्याजवाडी, पाचवड, बोरीव, भणंग भागात काेराेनाचा शिरकाव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.