माण-खटावात अवकाळीच्या भीतीने शेतकऱ्यांत धाकधूक; हातातोंडाशी आलेल्या पिकांवर पावसाचा घाव

कुकुडवाड (जि. सातारा) : गेल्या दोन-तीन दिवसांपासून ढगाळ वातावरण होत असल्यामुळे कुकुडवाड परिसरातील गावातील शेतकऱ्यांमध्ये धाकधूक वाढली आहे. रब्बीच्या हंगामातील गहू, ज्वारी, हरभरा या पिकांच्या काढणीला जोम आलेला आहे. यातच अवकाळी पाऊस आल्यास नुकसान होणार असल्याने शेतकरी वर्गात धास्ती वाढली आहे. 

कुकुडवाड परिसरातील गावामधून रब्बीच्या काढणीसह मळणीस सुरुवात झाली आहे. शेतकऱ्यांची शेतशिवारात ज्वारी, गहू, हरभरा पिकांची पसर पडून आहे. काही शेतकऱ्यांनी ढीग लावून ठेवलेले आहेत. गेल्या दोन- तीन दिवसांपासून आकाशात ढगांची गर्दी होऊन विजांचा कडकडाट होत आहे. काही ठिकाणी हलक्‍याफुलक्‍या सरी बरसत आहेत. यामुळे रात्री, अपरात्री शेतकरी ताडपत्री घेऊन शेतशिवारात धावपळ करताना दिसत आहेत. 

महाबळेश्वरसह जावळी तालुक्यात पावसाची जोरदार बॅटिंग; विजेच्या कडकडाटांसह गारांची बरसात

अनेक शेतकऱ्यांनी कांद्याची काढणी करून माळरानावर कांदे ढीग लावून प्लॅस्टिक कागदाने झाकून ठेवलेले आहेत. यातच काढणीसाठी शेतकऱ्यांना मजुरांचा तुटवडा जाणवत असल्याने काढणीस विलंब लागत आहे. यामुळे हातातोंडाशी आलेला घास अवकाळीने हिरावला जातो, की काय? अशी चिंता शेतकऱ्यांस लागून राहिली आहे.

कांद्याने केला वांदा! भाव गडगडल्याने उत्तर खटावात शेतकरी अडचणीत; बाजारभावात मोठी घसरण

या महत्वाच्या प्रश्नांवर गृहराज्यमंत्र्यांनी मी काहीही बोलू शकत नाही अशी का प्रतिक्रिया दिली?

‘उद्धव ठाकरेंकडे माथाडी कामगारांसाठी वेळ नाही’; नरेंद्र पाटलांचा शिवसेनेला ‘जय महाराष्ट्र’

संपादन : बाळकृष्ण मधाळे