Satara Traffic
sakal
सातारा - शहरात नोंदणीकृत ३२ हजार ६५८ दुचाकींसह तब्बल ४६ हजार ६२ प्रवासी व मालवाहू वाहने आणि पाच हजार २३५ पर्यावरणपूरक वाहने रस्त्यावर धावत आहेत; परंतु रस्ते तेवढेच, पार्किंगची जागा मर्यादित आणि वाहनांची संख्या दिवसेंदिवस वाढत असल्याने साताऱ्यातील वाहतुकीचा प्रश्न आता कोंडीवरून एकमेकांना हाणामारीपर्यंत पोहोचला आहे. अशा स्थितीत शहराचे स्वास्थ, शहरातील सलोखा आणि प्रत्येक शहरवासीयाला परवडेल, अशी वाहतूक यंत्रणा उपलब्ध करायची असेल तर शहर बस ही अपरिहार्य गरज बनली आहे.
