साता-यात काेराेनाचा कहर सुरुच

सातारा : सातारा जिल्ह्यात आज (बुधवार) नव्याने 804 नागरिकांना कोरोनाची बाधा झाल्याची माहिती माहिती जिल्हा शल्यचिकित्सक डॉ. सुभाष चव्हाण यांनी दिली. गेल्या काही दिवसांपासून कोरोना बाधितांच्या संख्येत सतत चढ-उतार होताना दिसत आहे. कोरोनाच्या दुसऱ्या टप्प्यात वाढती साखळी तुटत नसल्याचे दिसून येत आहे. जिल्ह्यातील ग्रामीण भागात कोरोनाचे संक्रमण वाढताना दिसत आहे. (satara-coronavirus-update-840-patients-increased-karad-phaltan-khatav)

याचबरोबर, संस्थात्मक विलगीकरणातही रुग्णांचा रिकव्हरी रेट कमी झाला असल्याने दिसून येत आहे. दरम्यान, मृत्यूचे सत्र अद्यापही कमी होत नसल्याचे सातत्याने दिसून येत आहे. ही रुग्ण संख्या अशीच वाढत राहिली तर कडक निर्बंध लावावे लागतील असे नुकतेच पालकमंत्री बाळासाहेब पाटील यांनी स्पष्ट केले आहे.

जिल्ह्यात गेल्या चोवीस तासांत 10 हजार 687 नागरिकांच्या चाचण्या करण्यात आल्या असून, त्यामध्ये 804 बाधित आढळले आहेत. दरम्यान मंगळवारी (ता.29) सायंकाळी जिल्ह्यातील विविध रुग्णालयात आणि कोरोना केअर सेंटर, डिसीएचसी व सीसीसीमध्ये उपचार घेत असलेल्या 873 जणांना घरी सोडण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.

दिव्यांगांच्या लसीकरणास प्रारंभ

दरम्यान दिव्यांगांसाठी प्रशासनाने मोबाईल व्हॅनच्या माध्यमातून दिव्यांगांच्या जवळच्या ठिकाणी जावून लसीकरण करण्यास प्रारंभ केला आहे. तसेच त्यांच्यासाठी महिन्यातून एकदा किंवा दोन विशेष मोहिमचे आयोजन करुन लसीकरण करण्यात येईल, असे प्रशासनाने कळविले आहे.

दिव्यांगांच्या सोयीसाठी त्यांच्या घराजवळ जावून लसीकरण करण्यात येणार आहे. पहिली लस घेतल्यानंतर ठराविक कालावधीमध्ये दुसरी लसही घ्यावी. लस घेतल्यानंतरही सर्वांनी मास्कचा वापर, सुरक्षित अंतर व वेळोवेळी हाताची स्वच्छता केली पाहिजे. लस घेतल्यानंतरही मास्कचा वापर, सुरक्षित अंतर व वेळोवेळी हाताची स्वच्छता केली पाहिजे. दोन मोबाईल व्हॅनच्या माध्यमातून दिव्यांगांचे लसीकरण करण्यात येणार आहे. यासाठी एक कार्यक्रम तयार करुन त्यांच्या घराजवळ लावून लसीकरण करण्यात येणार असल्याचे जिल्हा शल्यचिकित्सक डॉ. सुभाष चव्हाण यांनी सांगितले.