साफसफाईच्या कारणावरून दोन गटांत तुंबळ हाणामारी; शाहूनगरातील 35 जणांवर गुन्हा

सातारा : शाहूनगर येथील जगतापवाडी परिसरातील आमराई अपार्टमेंटच्या परिसरात काल सायंकाळी रस्ता, तसेच साफसफाईच्या कारणावरून दोन गटांत वादावादी, हाणामारी झाली. याप्रकरणी दोन्ही गटांनी सातारा शहर पोलिस ठाण्यात परस्परविरोधी तक्रारी नोंदविल्या असून, यानुसार 35 जणांवर गुन्हा नोंदविण्यात आला आहे. 

शाहूनगर येथील आमराई रेसिडेन्सीमध्ये गौरी बाळासाहेब जगताप या राहत असून, त्यांनी नोंदविलेल्या फिर्यादीत अनिल महादेव जाधव, प्रकाश एकनाथ बोधे, उषा भीमराव निकम, संगीता अनिल जाधव, वनिता दत्तात्रय इंगळे व 30 जणांनी (सर्व रा. आमराई रेसिडेन्सी) यांनी काल जागेची साफसफाई करण्यासाठी जेसीबी बोलावल्याच्या कारणावरून गोंधळ घालत मारहाण केल्याचे म्हटले आहे. 

हे पण वाचा- हनीट्रॅप टोळीतील बारामतीच्या तिघांना अटक; प्रेमाच्या जाळ्यात ओढून साताऱ्यातील एकाला लुबाडले

संगीता अनिल जाधव (रा. आमराई रेसिडेन्सी) यांनी नोंदविलेल्या फिर्यादीत गणेश बाळासाहेब जगताप, गौरी बाळासाहेब जगताप, कमल बाळासाहेब जगताप, जेसीबी चालक व एका महिलेने काल जेसीबीने अपार्टमेंटचा मुख्य रस्ता खोदत बंद केला. याबाबत विचारणा करण्यासाठी अपार्टमेंटमधील रहिवाशांसमवेत गेले असता, गणेश जगताप व इतरांनी मारहाण करत शिवीगाळ केल्याचे नमूद केले आहे. याचा तपास उपनिरीक्षक रोकडे करीत आहेत. 

संपादन : बाळकृष्ण मधाळे