जुगार अड्ड्यावरील छाप्यात साताऱ्यात पाच जणांवर गुन्हा

सातारा : गुरुवार परज येथे एका चिकन सेंटरजवळ सुरू असणाऱ्या जुगार अड्ड्यावर शहर पोलिसांनी छापा टाकून रोख रक्कम व जुगाराचे साहित्य असा सुमारे साडेचार हजार रुपयांचा ऐवज जप्त केला आहे. 

शहरातील गुरुवार परजावरील न्यू महाराष्ट्र चिकन सेंटरच्या पाठीमागे असलेल्या पत्र्याच्या टपरीच्या आडोशाला जुगारअड्डा सुरू होता. याबाबतची माहिती मिळाल्यावर पोलिसांनी छापा टाकला. याप्रकरणी पोलिसांनी प्रकाश शंकर भट (रा. यादोगोपाळ पेठ), शरद शामराव साळुंखे (रा. साई कॉलनी, शाहूनगर), राजू अर्जुन साळुंखे (रा. करंजे पेठ), दिलावर शेख (रा. गुरुवार परज), अमोल शशिकांत खागे (रा. भारतमाता चौक, सदरबझार) यांच्यावर गुन्हा दाखल झाला आहे. 

फालतू बोलू नका, कसलं राजकारण.., म्हणून तरं खंडणीची केस पडली माझ्यावर; उदयनराजे भडकले

संपादन : बाळकृष्ण मधाळे