सातारा : कऱ्हाडमधील दोघे एक वर्षासाठी हद्दपार | Sakal
sakal

बोलून बातमी शोधा

टोळी हद्दपार

सातारा : कऱ्हाडमधील दोघे एक वर्षासाठी हद्दपार

कऱ्हाड : शहर पोलिसांच्या हद्दीत जबरी चोरी, मारहाणीसह खुनाचा प्रयत्न, बेकायदा हत्यार बाळगण्यासारख्या गंभीर गुन्ह्यातील दोघांना सातारा जिल्ह्यासह सांगली जिल्ह्यातील तीन तालुक्यांतून एक वर्षासाठी हद्दपार करण्याचा आदेश जिल्हा पोलिस अधीक्षक अजय कुमार बन्सल यांनी आज दिले.

श्रीधर काशिनाथ थोरवडे (वय २४) व आतिष सुनील थोरवडे (वय २२, दोघे रा. बुधवार पेठ, कऱ्हाड) अशी त्यांची नावे आहेत. समाजामध्ये दहशत पसरविणाऱ्यासह गुन्हेगारीच्या कारवाया करणाऱ्या टोळ्यांच्या विरोधात हद्दपारीच्या कारवाया सुरू आहेत. पोलिस अधीक्षक बन्सल यांनी पदभार स्वीकारल्यापासून आतापर्यंत ३५ प्रस्तावातील १३४ जणांना हद्दपार केले आहे. कऱ्हाडच्या दोघांविरोधात शहर पोलिसांत अनेक गुन्हे दाखल आहेत. त्या गुन्ह्यावरून वरिष्ठ पोलिस निरीक्षक बी. आर. पाटील यांनी त्यांना हद्दपार करण्याचा प्रस्ताव पोलिस अधीक्षकांना दिला होता. त्यानुसार त्यांनी दोघांना सातारा जिल्ह्यासह सांगली जिल्ह्यातील कडेगाव, वाळवा, शिराळा तालुक्यातून एक वर्षासाठी हद्दपार केले आहे. त्याचे आदेश आज त्यांनी दिले. हद्दपार झालेल्या संबंधितांना यापूर्वी पोलिसांनी वेळोवेळी सुधारण्याची संधी दिली होती.

मात्र, त्यांच्या वर्तनात कोणतीही सुधारणा झालेली नव्हती. त्यांचा सामान्यांना उपद्रव होत होता. त्यांच्यावर कडक कारवाईचाही मागणी होत होती. त्यानुसार त्यांच्या पाठवलेल्या प्रस्तावावर पोलिस अधीक्षकांनी हा आदेश दिला आहे.

Web Title: Satara Deported Karhad One Year

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top