कोरेगाव (जि.सातारा) : कोरोनाच्या पार्श्वभूमीवर मुंबईहून नागझरी (ता. कोरेगाव) येथे मूळ गावी आलेल्या व गावापासून दूर स्वत:च्या शेतामध्ये विलगीकरणात राहून या महामारीमध्ये स्वत:च्या आरोग्याबरोबरच सामाजिक स्वास्थ्य जपण्याचा संदेश कृतीतून देणाऱ्या एका कुटुंबाचे जिल्हाधिकारी शेखर सिंह यांनी एका खास पत्राद्वारे विशेष कौतुक केले आहे.
विलगीकरणासंदर्भातील प्रशासनाने घालून दिलेल्या नियमांचे गावात काटेकोरपणे पालन केले आहे. त्यात सरपंच जितेंद्र भोसले यांच्यासह ग्रामस्तरीय समितीने कसूर ठेवली नाही. लॉकडाउन सुरू झाल्यापासून गावाच्या वेशीवर गेट सुरू केले आहे. गावामध्ये बाहेरच्या कोणालाही प्रवेश दिला जात नाही तसेच बाहेर जाणाऱ्या लोकांना नावासह संपर्क क्रमांक व वाहन क्रमांक नोंद करूनच जावे लागते. कामाशिवाय कोणालाही बाहेर जाऊ दिले जात नाही.
दरम्यान, लॉकडाउन झाल्यानंतर आतापर्यंत 396 जण गावात आले आहेत. त्यात दुबई तसेच पुणे, मुंबई येथून आलेल्यांचा समावेश आहे. त्यांच्यासाठी शाळेमध्ये विलगीकरणाची सोय केली आहे. मुंबई येथून अरुण भोसले यांचे कुटुंबही गावी आले आहे; परंतु ते आले तेव्हा शाळा फुल्ल झालेली आणि गावातील घर मोठे असले, तरी तेथे गेल्यास संपर्काची भीती. त्यामुळे या कुटुंबाने गावापासून दूर स्वत:च्या शेतामध्ये विलगीकरणात राहण्याचा निर्णय घेतला. त्यांचा 14 दिवसांचा विलगीकरणाचा कालावधी नुकताच पूर्ण झाला. या पार्श्वभूमीवर जिल्हाधिकारी शेखर सिंह यांनी अरुण भोसले यांच्या नावे खास पत्र पाठवून या कुटुंबाचे कौतुक केले आहे.
"गावाने आतापर्यंत मोलाचे सहकार्य केले आहे. या पुढील काळातही गावाला कोरोनापासून दूर ठेवण्याचा ग्रामस्थांचा लढा सुरूच राहणार आहे.'
-जितेंद्र भोसले, सरपंच, नागझरी, ता. कोरेगाव.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.