कास (सातारा) : जागतिक वारसा स्थळ असलेल्या कास पठारावर (Kaas Plateau) फुलांच्या परिसराचे संरक्षण करण्यासाठी तंगुसाची जाळी बसवण्याच्या कामाला सुरुवात झाली असून आगामी हंगामाच्या दृष्टीने हे काम महत्त्वपूर्ण आहे. जाळी बसवण्यात येत असली तरी कास पठारावर फुले बहरण्यास अवकाश असून आगामी हंगाम हा पंधरा ऑगस्ट नंतरच सुरू होत असतो. त्यामुळे आता फुले बघण्याच्या आशेने येणारांची निराशा होवू शकते.