कऱ्हाड : किरकोळ वाद टोकाला; बदलेच्या भावनेतून तरुणाची हत्या

कऱ्हाड : मागील भांडणाचा राग मनात धरून चाकू हल्ल्यातील जखमी युवकाचा आज पहाटे उपचार सुरू असताना मृत्यू (Murder) झाला. चार दिवसापूर्वी येथील दत्त चौकात दुपारी तीन वाजता घटना घडली होती. त्या प्रकरणात बैजुनाथ अशोक जिरगे (वय २९ रा. दत्त चौक, कऱ्हाड) व अजय उर्फ पिल्या अभयकुमार काळे (२५, रा. शुक्रवार पेठ) यांना अटक झाली आहे. त्यांच्यावर खूनाचा गुन्हा दाखल झाला आहे. सुशांत उर्फ बबलू मुरलीधर काटकर (रा. भोई गल्ली, रविवार पेठ) असे खून झालेल्या युवकाचे नाव आहे. (Satara Crime News)

पोलिसांनी सांगितले की, येथील रविवार पेठेतील बबलू यांच्याशी बैजुनाथ व अजय यांचा किरकोळ वाद झाला होता. त्यामुळे बबलू बद्दल त्यांच्या मनात राग होता. तो़च राग मनात धरून त्यांनी बलूवर हल्ला केला. २५ डिंसेबरला दत्त चोकातील भूतकर चाळ येथे बबलू होता. त्यावेळी दुपारी तीन वाजता तेथे गेले. त्यांनी बबलूशी रात्री झालेल्या भंडाणावरू वाद गघालण्चायास सुरूवात केली.  

बबलूला जाब विचारताना त्यांच्यात पुन्हा वाद झाला. बैजुनाथ व अजय यांनीही वाद घातला. त्यावेळी अजयने बबलूचे हात धरले. त्याचा फायदा घेत बैजुनाथ यामने बबलूच्या पोटात चाकू भोसकला. जखमी झालेला बबलू खाली कोसळताच दोघांनी तेथून पळ काढला. तेथील नागरीकांनी बबलूला रूग्णालयात हलवले. बबलूवर उपचार सुरू होते. आज पहाटे त्याच्या मृत्यू झाला. पोलिसांनी त्यातील बौजुनाथ जिरगे व अजय काळे यांना अटक केली आहे.

बबलूच्या मृत्यमुळे पोलिसांनी दोघांवर खुनाचा गुन्हा दाखल केला आहे. बबलू येथील रविवार पेठेत राहतो. त्याचा मित्र परिवारही मोठा आह, बबलूच्या मृत्यूची बातमी समजताच सकाळी येथील आझाद चौकात गर्दी केली होती. सकाळी अकराच्या सुमारास त्यांच्यावर शोकाकूल वातावरण अंत्यसंस्कार झाले.