esakal | सातारा जिल्ह्यात 'अवकाळी'ची दमदार हजेरी; माण, खटाव, महाबळेश्वरात पीक, फळबागांचे मोठे नुकसान

बोलून बातमी शोधा

Satara Latest Rain News}

सातारा जिल्ह्यात मागील चार ते पाच दिवसांपासून ढगाळ वातावरण आहे. अनेक भागात सूर्यप्रकाशही नाही. दरम्यान, काल (गुरुवार) दुपारी व रात्री जोरदार अवकाळी पाऊस झाला. यापावसाने शेतातील ज्वारी, हरभरा, गहू आदी पिकांचे मोठे नुकसान झाले. माण तालुक्यातील म्हसवड, खटाव, सातारा, महाबळेश्वर, वाई, कोरेगाव तालुक्यातही पावसाचा शिडकाव झाला.

सातारा जिल्ह्यात 'अवकाळी'ची दमदार हजेरी; माण, खटाव, महाबळेश्वरात पीक, फळबागांचे मोठे नुकसान
sakal_logo
By
बाळकृष्ण मधाळे

सातारा : साताऱ्यासह जिल्ह्यात काल (गुरुवार) अवकाळी पावसाने दमदार हजेरी लावत पिकांचे मोठ्या प्रमाणात नुकसान केले. आजही जिल्ह्यात ढगाळ वातावरण असल्याने सायंकाळच्या सुमारास जोरदार पाऊस पडण्याची शक्यता आहे. मागील दोन दिवसांत अनेक ठिकाणी हलका ते मध्यम स्वरूपाचा पाऊस झाल्याने पिकांचे, फळबागांचे नुकसान झाले आहे. तसेच, सर्वत्र धुक्यांसह ढगाळ वातावरण आहे. या अवकाळी पावसाने शेतकऱ्यांच्या चिंतेत भर पडली आहे. 

जिल्ह्यात मागील चार ते पाच दिवसांपासून ढगाळ वातावरण आहे. अनेक भागात सूर्यप्रकाशही नाही. दरम्यान, काल दुपारी व रात्री जोरदार अवकाळी पाऊस झाला. यापावसाने शेतातील ज्वारी, हरभरा, गहू आदी पिकांचे मोठे नुकसान झाले. माण तालुक्यातील म्हसवड, खटाव, सातारा, महाबळेश्वर, वाई कोरेगाव तालुक्यातही पावसाचा शिडकाव झाला. ढगाळ वातावरण व हलका पावसामुळे शेतातील कामे ठप्प झाली आहेत. तर, अनेक ठिकाणी वाऱ्यासह दमदार पाऊस झाल्याने पिकं आडवी झाली आहेत. माण, खटाव, फलटण, कोरेगाव, खंडाळा तालुक्याचा रब्बी हंगाम प्रमुख असल्याने या तालुक्यात पेरणीही मोठ्या प्रमाणात झाली होती. पिकांची अवस्था चांगली असतानाच पाऊस झाल्याने पिकांचे नुकसान होणार आहे. या ढगाळ वातावरणाचा परिणाम प्रमुख पिकांवर होत असून शेतकऱ्यांना मोठ्या नुकसानीला सामोरे जावे लागत आहे.

अवकाळी पावसाने वाढविली माणवासियांची चिंता; द्राक्ष,आंबा,ज्वारीचे नुकसान

या अवकाळी पावसाचा व प्रतिकूल वातावरणाचा द्राक्ष पिकास फटका बसला आहे. द्राक्षांवर भुरी, घडकुज, दावण्या आदी रोगांचा प्रादुर्भावाची भिती निर्माण झाल्याने फवारण्या करण्याकडे कल वाढला आहे. खटाव तालुक्यातील कलेढोण, मायणी, तरसवाडी, पाचवड, गारळेवाडी, मुळीकवाडी, हिवरवाडी, विखळे, शिंदेवाडी (कलेढोण), कानकात्रे, अनफळे उत्तर कोरेगाव परिसरातील बहुतांशी शेतकरी निर्यातक्षम द्राक्षांचे उत्पादन घेतात. मात्र, गेल्या काही दिवसांपासून या शेतकऱ्यांना अवकाळी पाऊस, सातत्याने बदलणारे हवामान, ढगाळ वातावरण, धुके, कडाक्‍याची थंडी आदी संकटाना सामोरे जावे लागत आहे. स्ट्रॉबेरी, द्राक्ष उत्पादक शेतकरी अधिकच अडचणीत आले आहेत. याशिवाय आंब्याचा मोहरही झडल्याचे दिसत आहे. ही स्थिती अशीच राहिल्यास शेतकरीवर्गाला मोठ्या संकटाला सामोरे जाण्याची भीती निर्माण झाली आहे.