पुणे- बंगळूर महामार्गावरील अपघातात बंगळूर, वसईच्या महिला ठार; तिघे जखमी

भुईंज (जि. सातारा) : पुणे- बंगळूर महामार्गावरील सुरूर गावानजीक भरधाव कार पलटी झाल्याने कारमधील दोन महिला ठार, तर तीन जण जखमी झाले. हा अपघात बुधवारी सायंकाळी साडेसातच्या सुमारास घडला. रागिणी जयवंत खैरनार (वय 47, रा. बंगळूर) व ऊर्मिला दिवाकर गांगुर्डे (वय 81, रा. वसई) अशी मृतांची नावे आहेत. पोलिसांकडून मिळालेल्या माहितीनुसार, महामार्गावर पुण्याच्या दिशेने जाणारी कार (एमएच 02 इयू 6276) भरधाव वेगाने निघाली होती. त्या वेळी चालकाचा ताबा सुटल्याने कार पलटी होऊन अपघात झाला. त्यातील सर्व जण गंभीरपणे जखमी झाले होते.

सुरूर ग्रामस्थांनी मदतकार्य देत सर्व जखमींना साताऱ्यातील जिल्हा शासकीय रुग्णालयात पाठवले. त्यातील दोन महिलांचा उपचारादरम्यान मृत झाल्याचे सांगण्यात आले. रागिणी जयवंत खैरनार व ऊर्मिला दिवाकर गांगुर्डे अशी मृतांची नावे आहेत. शैलेंद्र गांगुर्डे, सोहम गांगुर्डे, नील खैरनार हे तिघेही जखमी असून, त्यांच्यावर उपचार सुरू आहेत 
हा अपघात नेमका कसा झाला याबाबत भुईंज पोलिस रात्री उशिरापर्यंत पंचनामा व तपास करीत होते. 

प्रत्यक्ष घटनास्थळी अपघात पाहणाऱ्यांनी दुभाजकाला कार वेगात धडकल्याचे सांगितले. भुईंज पोलिस ठाण्याचे सहायक पोलिस निरीक्षक आशिष कांबळे यांच्या मार्गदर्शनाखाली पोलिस उपनिरीक्षक रत्नदीप भंडारे, हवालदार अवघडे, मुंगसे करीत आहेत. 

शिवेंद्रसिंहराजेंचा राष्ट्रवादीच्या नेत्याला इशारा

सरपंचपदावरुन विसापूर, मोळला सत्ताधाऱ्यांची अवस्था झालीय गड आला पण...

त्यांनी सांगेल तसे तिने केले अन् ती फसली; बसला लाखभर रुपयांना गंडा

Edited By : Siddharth Latkar