Satara : साताऱ्यात रंगणार दुरंगी सामना?

सातारा : येथील बाजार समितीची निवडणूक वेगळ्या वगळणावर आली आहे. आमदार गटाच्या पॅनेल विरोधात स्वाभिमानी शेतकरी संघटनेचे पॅनेल अशी लढत होण्याची शक्यता निर्माण झाली आहे.

आमदार गटाने ही निवडणूक बिनविरोध करण्याचे प्रयत्न केले; पण त्यांना अद्यापपर्यंत यश आलेले नाही. गुरुवारी (ता. २०) अर्ज मागे घेण्याचा अखेरचा दिवस असल्याने त्याच दिवशी निवडणुकीचे चित्र स्पष्ट होणार आहे. स्वाभिमानी शेतकरी संघटना शेवटपर्यंत झुंज देणार की ऐनवेळी अर्ज मागे घेणार? यावर या निवडणुकीचे भवितव्य अवलंबून आहे.

बाजार समितीची निवडणूक यापूर्वी अनेकदा बिनविरोध झाली आहे; पण त्यानंतर ही निवडणूक लढत होऊन आमदार शिवेंद्रराजे भोसले गटाने आपली सत्ता अबाधित ठेवली होती. यावेळेस आमदार भोसले गटाने बिनविरोधचे प्रयत्न केले. मात्र, बदललेले नियम आणि शेतकऱ्यांना मिळालेली निवडणुकीत सहभागी होण्याची संधी, यामुळे मोठ्या प्रमाणात अर्ज दाखल झाले. समितीच्या १८ जागांसाठी ६१ अर्ज दखल होते.

त्यापैकी आजअखेर सहा जणांनी अर्ज मागे घेतले आहेत. त्यामुळे ५५ उमेदवार रिंगणात आहेत. गुरुवारी अर्ज मागे घेण्याची अखेरची मुदत आहे. तोपर्यंत अनेक घडामोडी घडण्याची शक्यता आहे. या निवडणुकीतून खासदार उदयनराजे भोसले गटाने अलिप्त राहणे पसंत केले आहे, तर काही जणांच्या मते स्वाभिमानी शेतकरी संघटनेला खासदार उदयनराजे