विवाहबंधनासोबत "त्यांनी' गुंफले पर्यावरणाशीही बंध

मल्हारपेठ (जि. सातारा) : नवविवाहित जोडप्याने लग्नानंतर मंदिराच्या आवारात वृक्षारोपण केले. त्यामुळे विवाहबंधनासोबत त्यांनी पर्यावरणाशीही बंध गुंफले, असे म्हटले तर वावगे ठरणार नाही. 

निसर्गाची समृध्दी व्हावी म्हणून नवदांपत्याने केलेले वृक्षारोपण हे या क्षेत्रात कौतुकाचा विषय ठरला आहे. ठोमसे येथील नवदांपत्याने वृक्षारोपण केले. तेथील मंदिर जीर्णोद्धार समितीच्या वतीने 200 रोपांचे वृक्षारोपण करण्यात आले आहे. संचारबंदीच्या काळामध्ये ग्रामस्थांनी एकत्र येऊन मंदिराचे सुशोभीकरण केले आहे. ठोमसे येथे दोन दिवसांपूर्वी राष्ट्रवादी युवक कॉंग्रेसचे तालुका सरचिटणीस अमोल व तेथील सुप्रिया यांचा तांबेवाडी येथे विवाह झाला. साध्या पद्धतीने विवाह सोहळा पार पडला. विवाह होताच हे नवदांपत्य ग्रामदैवत श्री शंभूराज देवाच्या दर्शनास गेले. तेथे मंदिर जीर्णोद्धार समितीतर्फे वृक्षारोपण सुरू होते. त्या नवदांपत्याने तेथे वृक्षारोपणही केले. वृक्षलागवड करून वनसंवर्धन व पर्यावरणाच्या समतोलासाठीचे अभियान राबविले. सोबत वऱ्हाडी मंडळींनीही झाडे लावण्यासाठी परिश्रम घेतले. 

""विवाहबंधनासोबत पर्यावरणाचे संगोपन व संवर्धन करण्याचाही संदेश सर्वांना मिळावा म्हणून आम्ही वृक्षारोपण केले. यापुढेही लग्नाच्या प्रत्येक वाढदिवसानिमित्त गावातील सार्वजनिक ठिकाणी वृक्षलागवड करण्यासाठी पुढाकार घेणार आहोत. त्या माध्यमातून शासनाच्या उपक्रमास हातभार लावू.'' 

-अमोल माने, 
ठोमसे 

जुलमी इंधन दरवाढ केंद्र सरकारने मागे घ्यावी; मेढ्यात कॉंग्रेसचे धरणे आंदाेलन

कर्‍हाड पालिका ठरणार आयडॉल : अंड्याच्या कवचापासून करणार पावडर - 

कोरोनायोद्धा बनून हे करताहेत आरोग्य खात्याला मदत -