दूध दरवाढीसाठी विठ्ठल प्रतिमेला दुग्धाभिषेक, राष्ट्रीय समाज पक्षातर्फे अनोखे आंदोलन

Satara
Satara

दहिवडी (जि. सातारा) : दुधाला लिटरला 35 रुपये भाव मिळावा, या मागणीसाठी राष्ट्रीय समाज पक्षातर्फे येथील तहसील कार्यालयासमोर विठ्ठलाच्या प्रतिमेला दुधाचा अभिषेक करून आंदोलन करण्यात आले. 

"रासप'चे माण-खटाव विधानसभा मतदारसंघाचे अध्यक्ष प्रा. सचिन होनमाने व रासपचे कायदे सल्लागार विलास चव्हाण यांच्या नेतृत्वाखाली हे आंदोलन करण्यात आले. शेतकऱ्यांच्या दुधाला लिटरला 35 रुपये भाव मिळावा. प्रतिलिटर पाच रुपये अनुदान हे थेट शेतकऱ्यांच्या बॅंक खात्यात जमा व्हावे. गाभण/दुधाळ जनावरांना विमा देण्यात यावा. दुग्ध व्यवसाय करणाऱ्या शेतकऱ्यांना विशेष बजेट देण्यात यावे, अशा मागण्या यावेळी करण्यात आल्या. 

कोरोनाच्या काळात सर्व घटकांसोबत शेतकऱ्यांचे अतोनात नुकसान झाले असून, या नुकसानीची भरपाई मिळावी म्हणून राष्ट्रीय समाज पक्ष रस्त्यावर उतरला आहे. महादेव जानकर मंत्री होते, तेव्हा त्यांनी 22 रुपयांवर असलेला दुधाचा दर 35 रुपयांपर्यंत नेला होता. त्यामुळे गावगाड्यातील शेतकऱ्याला ताकद मिळाली होती. दूध उत्पादक शेतकरी आनंदी झाला होता. पण, या राज्यात पुन्हा दुधाचा दर घसरला आहे, असे प्रा. होनमाने म्हणाले. विठ्ठलाने सरकारला सुबुद्धी द्यावी, अशी प्रार्थना यावेळी करण्यात आली. 

यावेळी सुनील वाघमोडे, दादा माळवदे, दत्ता खांडेकर, दादासाहेब वीरकर, शिवाजी गलंडे, संदीप होनमाने, तुषार खाडे, आनंद दोलताडे, भारत राखुडे, विजय महानवर, सचिन वाघमोडे, नितीन काळे व पदाधिकारी उपस्थित होते. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com