सातारा : माजी नगरसेवकाने पालिका कर्मचाऱ्यास दमदाटी आणि शिवीगाळ केल्याचा दावा करत या कृत्याच्या निषेधार्थ आज दिवसभर पालिका कर्मचाऱ्यांनी काम बंद आंदोलन छेडले. परिणामी, दैनंदिन कामासाठी आलेल्या नागरिकांचा मोठा खोळंबा झाला. .Mhaswad Siddhnath Yatra : सिद्धनाथ यात्रेची प्रशासनाकडून जय्यत तयारी.शुक्रवार सकाळी दहा वाजता पुन्हा पालिका कर्मचारी प्रवेशद्वारावर एकत्र जमणार आहेत. तेथे सभा झाल्यानंतर उद्याच्या कामकाजाची दिशा ठरवली जाईल, असे कर्मचाऱ्यांकडून स्पष्ट करण्यात आले..याबाबत प्रशांत निकम म्हणाले, ‘‘पालिकेतील अतिक्रमण विभागात माझे कामकाज सुरू असताना संबंधित माजी नगरसेवकाचा फोन आला आणि त्यांनी मला पाण्याच्या खेपेबाबत विचारणा केली. त्यावर मी त्यांना मला काही कल्पना नाही. मी आपणांस माहिती घेऊन कळवितो, असे सांगितले. दरम्यान, चाळकेवाडी येथे आग लागल्याने अग्निशामक विभागाची एक गाडी तेथे पाठवावी लागली. संबंधित गाडी गेल्याने शहराचा विचार करता एक पाण्याची गाडी राखीव ठेवावी लागली. त्यावर संबंधित माजी नगरसेवकाने पाणी वाटपाबाबत माझ्याकडून दुजाभाव केला जात असल्याचे बोलत माझ्यावर विनाकारण आरोप केले. त्यानंतर दुपारच्या सुमारास मुख्याधिकारी यांच्या कक्षाबाहेर मला त्यांनी धक्काबुक्की करत दमदाटी, शिवीगाळ केली.’’ पालिका कर्मचाऱ्यांशी त्यांनी अशाप्रकारे दुसऱ्यांदा वर्तन केल्याचेही निकम यांनी नमूद केले..ते म्हणाले, ‘‘महाराष्ट्र जीवन प्राधिकरण कार्यालयाच्या माध्यमातून आम्हाला येणारे पाणी देखील आलेले नाही. आम्ही देखील हौदावरून पाणी भरत आहे.’’ संबंधित माजी नगरसेवकाच्या विरोधात आम्ही पोलिसांत तक्रार करणार आहोत, असेही निकम यांनी स्पष्ट केले..Satara Crime : सातारा परिसरात दोन घरफोड्या .या वेळी पालिका कर्मचाऱ्यांनी एकजुटीने घटनेचा निषेध नोंदवत काम बंद आंदोलन केले. दुपारी एकच्या सुमारास मुख्याधिकारी अभिजित बापट यांची कर्मचाऱ्यांनी भेट घेऊन घडलेल्या प्रकाराची त्यांना माहिती देत काम बंद आंदोलनावर युनियन ठाम राहिली. त्यामुळे पालिकेचे आजचे दिवसभराचे कामकाज ठप्प झाले होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
