'फलटण कृषी उत्पन्न'चा कारभार राज्यातील बाजार समित्यांसाठी मार्गदर्शक ठरेल : सभापती रामराजे

फलटण शहर (जि. सातारा) : रघुनाथराजे नाईक-निंबाळकर यांनी शेतकरी हितासाठी विविध उपक्रम व योजना यशस्वीपणे राबविल्या आहेत. त्यामुळे फलटण कृषी उत्पन्न बाजार समितीचा कारभार राज्यातील अन्य बाजार समित्यांसाठी मार्गदर्शक ठरेल, असा विश्वास विधान परिषदेचे सभापती रामराजे नाईक- निंबाळकर यांनी व्यक्त केला. 

या समितीची वार्षिक सर्वसाधारण सभा ऑनलाइन पार पडली. या वेळी मार्गदर्शन करताना रामराजे बोलत होते. या प्रसंगी आमदार दीपक चव्हाण, जिल्हा परिषदेचे माजी अध्यक्ष संजीवराजे नाईक- निंबाळकर, समितीचे अध्यक्ष रघुनाथराजे, श्रीराम कारखान्याचे अध्यक्ष डॉ. बाळासाहेब शेंडे, प्रा. भीमदेव बुरुंगले, संतोष खटके, उपसभापती भगवानराव होळकर, संचालक मोहनराव निंबाळकर, प्रकाश भोंगळे, शिवाजीराव लंगुटे, राजुरीचे सरपंच सचिन पवार आदींसह सभासद शेतकरी ऑनलाइन उपस्थित होते. 

लॉकडाउनच्या भरपाईसाठी आमदार-खासदारांच्या निधीचाही सरकारने वापर करावा : पृथ्वीराज चव्हाण

रघुनाथराजेंनी कल्पकतेने बाजार समितीच्या माध्यमातून पेट्रोल पंप, पशुवैद्यकीय दवाखाना, कार्डियाक ऍम्ब्युलन्स, अन्नदाता सन्मान योजना, शेतकऱ्यांसाठी मार्गदर्शन केंद्र आदी विविध सोयी व सुविधा उपलब्ध करून दिल्या, असेही रामराजेंनी नमूद केले. रघुनाथराजे यांनी प्रास्ताविकात गेल्या वर्षभरात बाजार समितीने राबविलेल्या विविध उपक्रमांचा व कामकाजाचा आढावा सादर केला. बाजार समितीचे सचिव शंकरराव सोनवलकर यांनी विषयांचे वाचन केले. या वेळी सर्व ठराव एकमताने मंजूर करण्यात आले. विनायक पाटील यांनी आभार मानले. 

लॉकडाउनच्या निर्बंधामुळे रिक्षा व्यावसायिक संतप्त; साताऱ्यात सरकारविरोधात तीव्र आंदोलन

फलटण-पुणे लोहमार्गाचे हिंदुरावांनी पाहिलेलं स्वप्न सत्यात उतरल्याचा जास्त आनंद : मंत्री प्रकाश जावडेकर

संपादन : बाळकृष्ण मधाळे