सर्पमित्रांची कायदेशीर नोंदणी करा, अन्यथा सगळीकडे काम बंद आंदोलन

उंडाळे (जि. सातारा) : सर्पमित्रांची कायदेशीर नोंदणी करण्यात यावी, यासाठी महाराष्ट्रातील सर्पमित्र 23 मार्च रोजी मुख्यमंत्री, सर्व जिल्हाधिकारी, वनविभागाचे अधिकारी यांना निवेदन देणार आहेत. मागण्यांचा 45 दिवसांत विचार नाही केल्यास सगळीकडे काम बंद आंदोलन करणार असल्याची माहिती सर्पमित्र विकास माने व निखिल मोहिते यांनी दिली. 

सर्पमित्र अतिशय प्रतिकूल परिस्थितीतून सापांना वाचवण्याचे काम करत असतात; परंतु कायद्याआडून त्यांना अनेक वेळा बोलले जाते, तसेच काही तोतया सर्पमित्रांकडून चुकीच्या पद्धतीने साप पकडून सापांना त्रास दिला जातो, तसेच साप पकडण्याच्या नावाखाली सामान्य जनतेकडून गरजेपेक्षा जास्त पैशांची उकळ केली जाते. हे सर्व थांबून सर्पमित्रांची कायदेशीर नोंदणी करण्यात यावी, तसेच एखाद्या घरात साप आला तर पहिल्यांदा जवळच्या वनविभाग कार्यालयात दूरध्वनी करावा, दूरध्वनी केलेल्या व्यक्तीचे नाव, नंबर व पत्ता कार्यालयात नोंद करण्यात यावे.

चिलीम आणि कोंबडीचं रक्त दिलं की धावजी पाटील प्रसन्न होताे...! 

तसेच वनविभाग कार्यालयातून नोंदणीकृत सर्पमित्रांना कळविण्यात यावे, तसेच पकडलेला साप त्याच दिवशी वनविभाग कर्मचाऱ्यांच्या देखरेखीखाली सोडण्यात यावा. यासारख्या मागण्यांसाठी महाराष्ट्रातील सर्पमित्र 23 मार्च रोजी मुख्यमंत्री, सर्व जिल्हाधिकारी, वनविभागाचे अधिकारी यांना निवेदन देणार आहेत. मागण्यांचा 45 दिवसांत विचार नाही केल्यास सगळीकडे काम बंद आंदोलन करण्यात येणार असून, येणारे सगळे दूरध्वनी वनविभाग कार्यालयाला पाठवण्यात येणार आहेत, असे या वेळी सर्पमित्र माने व मोहिते यांनी सांगितले.

संभाजीराजेंच्या बलिदानानंतर रायगड 1689 मध्ये मोगलांच्या ताब्यात; कसा सोडविला खंडेरावांनी गड वाचा सविस्तर..

सैन्यभरतीची वयोमर्यादा त्वरित वाढवा; खासदार पाटलांची संरक्षणमंत्र्यांकडे मागणी

'स्वाभिमानी'ने राेखला सातारा -पंढरपूर महामार्ग; पाेलिसांकडून आंदाेलकांची उचलबांगडी 

संपादन : बाळकृष्ण मधाळे