'शासनाचा आमच्यावर अन्याय'; गुरव समाजाचे सरकारविरोधात मलकापुरात आंदोलन

Satara Latest Marathi News
Satara Latest Marathi News
Updated on: 

मलकापूर (जि. सातारा) : येथील गुरवकीच्या जमीन शासनाने बेकायदेशीरपणे पालिकेच्या नावावर केली. हा आमच्या समाजावर अन्याय आहे. या जमिनीबाबत योग्य न्याय द्या, अशी मागणी करत आज गुरव समाज बांधवांनी पालिकेसमोर उपोषण केले. सध्या जमावबंदी आदेश असल्यामुळे तुम्हाला एकत्र बसता येणार नाही, अशा सूचना शहर पोलिसांनी करताच गुरव समाजाचे उपोषण 15 तारखेपर्यंत स्थगित करण्यात आले. 

पालिकेने नवीन प्रशासकीय इमारत बांधलेली जमीन जुन्या सर्व्हे नंबर 558 मधील 114 गुंठे जमीन गुरव समाजाच्या नावावर होती. त्यानंतर आम्हा चौघांनाही विचारात न घेता नंतर शासनाने बेकायदेशीरपणे ती पालिकेच्या नावावर केली आहे. संबंधित इमारतीचे बांधकामही अंतिम टप्प्यात आले आहे. त्या जमिनीसाठी आम्ही अनेक वेळा उपस्थित राहून दाद मागूनही शासनाने योग्य न्याय दिला नाही.

एकतर जमीन द्या अन्यथा जमिनीचा मोबदला तर द्या, अशी मागणी करत गुरव समाजातील कुटुंबानी सोमवारी सकाळी पालिका कार्यालयासमोरच उपोषणासाठी ठिय्या मारला. मात्र, सध्या जमावबंदी आदेश असल्यामुळे तुम्हाला एकत्र बसता येणार नाही. अशी सूचना कऱ्हाड शहर पोलिसांनी करताच गुरव समाजाचे उपोषण 15 तारखेपर्यंत स्थगित करण्यात आले. या वेळी शिवाजी गुरव, अशोक गुरव, अरविंद गुरव, किरण पुजारी, मनीषा गुरव, राधिका गुरव यांच्यासह कुटुंबीय उपोषणास बसले होते. गुरव समाजाच्या उपोषणाला शेतीमित्र अशोकराव थोरात, सुधाकर शिंदे यांनी पाठिंबा दिला. 

संपादन : बाळकृष्ण मधाळे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Grampanchyat Election
Bombay High Court Issues Directions on Posthumous Padma Award for Khashaba Jadhav
Health Department on Alert After Dengue-Like Cases Reported in Mundhe Village
BJP Political Game Plan Faces Setback in Satara District Bank as Shiv Sena and NCP Shape the Cooperative Election Outcome