कऱ्हाड (जि. सातारा) : चिकन चिल्ली, चिकन लॉलीपॉप, चिकन मन्चुरियन, चिकन 65... खवय्यांची पसंती अन्‌ ते पदार्थ विकणारे वाढले आहेत. चायनीज हातगाड्यांवर सर्रास या खाद्यपदार्थांसह दारूच्या बाटल्या देण्याचा प्रकार सुरू असल्याचे दिसते. ग्राहकाने स्वतः दारू आणली की त्याला ग्लास दिले जातात. काही ठिकाणी दारूच्या बाटल्याही पुरविण्याचा फंडा अवलंबला जात आहे. त्यामुळे बस स्थानक परिसरात चायनीज हातगाडे नव्हे तर दारूचे अड्डे झाले आहेत.
चायनीय सेंटरच्या आडोशाला दिवसाही दारूच्या बाटल्या रिचवल्या जात आहेत. त्यामुळे तळिरामांसह व्यसनाधिनांची संख्या बस स्थानकावर वाढली आहे. त्यांची त्या हातगाड्यांवर उठ-बस वाढल्याने तेथील शांतताही भंगली आहे. त्यातून वादावादीचे प्रकार व नंतर हाणामारीही होण्याचे प्रकार घडले आहेत. त्याचा नाहक त्रास महिलांसह प्रवासी नागरिकांना होत आहे. त्यामुळे पोलिसांनी त्याकडे लक्ष देण्याची गरज आहे.
चायनीज सेंटरच्या आडोशाला अवैध दारूविक्री सुरू आहे. तीही रोखली पाहिजे. रस्त्यावरील हातगाड्यांवरील टेबलावरच दारू रिचवणारे दंगा करताहेत. त्या तळिरामांचा त्रास पोलिसांनी गांभीर्याने घेण्याची गरज आहे. चायनीज हातगाड्यांवरील अशांचा राबता, गुंडांचा वावर शहराचे स्वास्थ्यही धोक्‍यात घालू पाहत आहे. त्याकडे पोलिस गांभीर्याने पाहत नसल्याने नागरिकांतून तीव्र संताप व्यक्त होत आहे.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.