मलकापूर (जि. सातारा) : मलकापूर येथील कन्याशाळेत आज नवर्षानिमित्त राज्य शासनाच्या 'माझी वसुंधरा' अभियानांतर्गत वसुंधरा रक्षणाची हरित शपथ घेण्यात आली.
शासनाच्या वतीने एक ते 15 जानेवारी हा पंधरवडा "माझी वसुंधरा अभियान' म्हणून साजरा करण्यात येणार आहे. कार्यक्रमास मुख्याध्यापिका सुलोचना भिसे, कन्याशाळेचे हरितसेना प्रमुख प्रकाश पाटील, शिक्षक, शिक्षिका, शिक्षकेतर कर्मचारी उपस्थित होते. या वेळी सुलोचना भिसे म्हणाल्या, "निसर्गाशी संबंधित पृथ्वी, वायू, जल, अग्नी, आकाश या पंचतत्त्वावर आधारित असणारी वसुंधरा तिचे रक्षण तिच्याप्रती आपली जबाबदारी आहे. त्याची जाण विद्यार्थी, पालक व समाजाला झाली पाहिजे. त्यासाठी हा उपक्रम शासनामार्फत राबविला जात आहे.'' या वेळी प्रकाश पाटील यांनी 'वसुंधरा अभियाना'ची विद्यार्थिनींना ओळख करून दिली. विद्यार्थिनी ऐश्वर्या आणेकर हिने हरित शपथेचे वाचन केले.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.