महाबळेश्वरात जखमी जंगली कबुतराला राजस्थानच्या पर्यटकाकडून जीवदान

भिलार (जि. सातारा) : महाबळेश्वर येथे पर्यटनासाठी आलेल्या राजस्थान येथील मेरठ हॉटेल फूड स्टुडिओचे व्यवस्थापक आणि प्राणीमित्र दिनेश सिंग यांनी प्रवास करताना रस्त्यामध्ये जखमी अवस्थेत सापडलेल्या जंगली कबुतराला जीवदान दिले.
 
दिनेश सिंग हे महाबळेश्वर, पाचगणी येथे पर्यटनासाठी आले आहेत. त्यांना महाबळेश्वर प्रवासात एक जंगली कबूतर जखमी अवस्थेत सापडले. श्री. सिंग यांनी लागलीच या कबुतराला पकडून त्याला आपल्या गाडीत घेतले व लगेच माहिती घेऊन महाबळेश्वर ट्रेकर्सच्या अध्यक्ष अनिल केलगणे यांना संपर्क केला व त्यांना बोलावून घटनेची माहिती दिली. श्री. केलगाने यांनी लगेच हे जखमी कबूतर घेऊन त्याच्यावर प्राथमिक उपचार केले व वनविभागाच्या अधिकाऱ्यांच्या ताब्यात दिले. अधिकाऱ्यांनी त्याच्यावर उपचार करून बरे झाल्याचे खात्री करून त्या कबुतराला जंगलात सुरक्षितपणे सोडून दिले. याबद्दल दिनेश सिंग व अनिल केलगने या दोघांचे सर्वत्र कौतुक होत आहे. 

कोयनेची मुख्य भूकंप वेधशाळा मार्चनंतर बंद?; पाटणच्या विनाशकारी भूकंपाला 54 वर्षे पूर्ण!

संपादन : बाळकृष्ण मधाळे