सातारा : शहर व तालुका हद्दीतील चार दुचाकी चोरीचे गुन्हे तालुका पोलिसांनी उघडकीस आणले आहेत. याप्रकरणी तीन अल्पवयीन मुलांना ताब्यात घेण्यात आले आहे. गेल्या आठवड्यामध्ये शहर व तालुका पोलिस ठाण्याच्या हद्दीतून तीन दुचाकी चोरीला गेल्या होत्या. हे गुन्हे तातडीने उघडकीस आणण्याचे निर्देश पोलिस अधीक्षक समीर शेख यांनी तालुका पोलिस ठाण्याचे निरीक्षक नीलेश तांबे यांना दिले होते.
