Satara : महाआघाडीत बिघाडी अन् भाजपमध्ये फूट

कऱ्हाड : राजकारणात कोण कुणाचा कायमचा शत्रू किंवा मित्र नसतो, याचे येथील शेती उत्पन्न बाजार समितीच्या निवडणुकीत प्रत्यंतर आले आहे. महाविकास आघाडीतील काँग्रेस आणि राष्ट्रवादी काँग्रेसमध्ये यावेळी बिघाडी झाली असून, तालुक्यातील भाजप नेत्यांमध्येही फूट पडली आहे. कऱ्हाड दक्षिणेतील भाजप नेत्यांनी राष्ट्रवादीला साथ दिली असून, कऱ्हाड उत्तरेतील भाजप नेत्यांनी काँग्रेसला साथ दिली आहे.

तालुक्यात पहिल्यांदाच अशी समीकरणे झाली असून, दोन्ही गटांचे स्थानिक नेते उमेदवारी अर्ज दाखल करण्यासाठी काल एकत्र आल्याचे दिसून आले. त्यामुळे बाजार समितीच्या निवडणुकीत मोठी रंगत येऊन चुरसही वाढणार आहे. मात्र, या निवडणुकीमुळे तालुक्यातील राजकीय समीकरणे बदलल्याचे दिसून येते.

राज्यातील मोठी उलाढाल असणारी येथील बाजार समिती आहे. त्याची सत्ता आपल्याच ताब्यात राहावी, यासाठी यावेळच्या बाजार समितीच्या निवडणुकीची गणिते बदलणार असल्याचे संकेत गेल्या सहा महिन्यांपूर्वीच मिळाले होते. त्यातच मध्यंतरी झालेल्या जिल्हा बॅंकेच्या निवडणुकीवेळी झालेल्या घडामोडीवेळी जिल्हा बॅंकेबरोबरच बाजार समिती, जिल्हा परिषद,

पंचायत समितीच्या निवडणुकांच्या समीकरणांची बेरीज करण्यात आली होती. जिल्हा बॅंकेसाठी आमदार बाळासाहेब पाटील यांच्या विरोधात माजी मंत्री (कै.) विलासराव पाटील- उंडाळकर यांचे पुत्र अॅड. उदयसिंह पाटील-उंडाळकर यांनी निवडणूक लढवली. त्या वेळी कऱ्हाड