एक दूसरे से करते प्यार हम! राष्ट्रवादीत आल्यास 'त्यांच्या' नेतृत्वात पॅनेल उभारु; भाजप आमदारास राष्ट्रवादीच्या नेत्याची माेठी ऑफर

सातारा : गेल्या काही दिवसांपासून सातारा आणि जावळी तालुक्यात भाजप आमदार शिवेंद्रसिंहराजे भाेसले (Shivendra Raje Bhosale) आणि आमदार शशिकांत शिंदे (Shashikant Shinde) यांच्यात राजकीय घमासान सुरु आहे. गेल्या आठवड्यात एका कार्यक्रमात हे दाेन्ही आमदार एकाच काेचवर बसल्याने उपस्थितांच्या भुवया उंचावल्या हाेत्या. आता पुन्हा राष्ट्रवादी काॅंग्रेसचे (Nationalist Congress Party) नेते आमदार शशिकांत शिंदे यांनी भाजप (Bhartiya Janta Party) आमदार शिवेंद्रसिंहराजेंना राष्ट्रवादीत येण्याची आॅफर दिल्याने राजकीय वर्तुळात चर्चेस उधाण आले आहे.
 
राष्ट्रवादी काॅंग्रेसने आयाेजिलेल्या जनता दरबारानंतर आमदार शशिकांत शिंदे यांनी पत्रकारांशी संवाद साधला. त्यावेळी शिंदे यांनी जिल्हा बॅंकेच्या निवडणुकीविषयी भुमिका जाहीर केली. ते म्हणाले, ही निवडणुक आमची बिनविरोध करण्याचा प्रयत्न राहील. पक्ष विरहीत निवडणुकीसाठी आम्ही सर्व जण काम करणार आहोत. 

शिवेंद्रसिंहराजेंसोबतचा वादानंतर तुम्ही यु टर्न घेत्याची चर्चा आहे यावर ते म्हणाले, शिवेंद्रराजेंबरााेबर माझे वैयक्तिक भांडण नाही. जिल्हा परिषद, पंचायत समिती आणि सातारा पालिकेच्या निवडणुकीसाठी ते असेल. या वेळी आम्ही पालिकेत स्वतंत्र पॅनेल टाकणार आहे. सातारा पालिकेत मी आणि दीपक पवार पॅनेलचे नेतृत्व करू. शिवेंद्रसिंहराजे राष्ट्रवादीत आल्यास त्यांच्या नेतृत्वाखाली पॅनेल असेल, असे त्यांनी जाहीर करुन टाकले.

दरम्यान मी सातारा-जावळीतून लढावे, असे पक्षाचे अध्यक्ष शरद पवारांनी यापुर्वीच्या निवडणुकीत सांगितले होते; परंतु आता मी श्री. पवार यांच्या सांगण्यावरून सातारा जिल्ह्यात राष्ट्रवादी पक्ष, संघटना आणखी मजबूत करण्याचे करत आहे. मी आजपर्यंत कधीही पक्षाने दिलेली जबाबदारी टाळलेली नाही. पुढील काळात मी कोरेगाव मतदारसंघातूनच निवडणूक लढवेन असेही त्यांनी स्पष्ट केले. 

जनता दरबारात पालकमंत्री येतील 

पालकमंत्री मुंबईत जनता दरबार घेतात; पण सातारा जिल्ह्यातील जनता दरबारासाठी ते का उपस्थित राहात नाहीत, या प्रश्‍नावर शिंदे म्हणाले, ""गेल्या अनेक वर्षांपासून खासदार शरद पवार यांच्या सूचनेनुसार मी जनता दरबार सुरू केला. त्यास नागरिकांचा चांगला प्रतिसाद मिळत आहे. विविध कामानिमित्त पालकमंत्री दौऱ्यावर असल्याने त्यांना साताऱ्यातील जनता दरबारास उपस्थित राहता येत नसेल; पण आगामी जनता दरबारास पालकमंत्री उपस्थित राहतील.''

फालतू बोलू नका, कसलं राजकारण.., म्हणून तरं खंडणीची केस पडली माझ्यावर; उदयनराजे भडकले

छत्रपती शिवाजी महाराज देशाची अस्मिता; महाविकासच्या निर्णायवर उदयनराजेंनी केली भुमिका स्पष्ट

वाचनप्रेमींनाे! साताऱ्यात ग्रंथोत्सव; सवलतीच्या दरात नामवंत लेखकांच्या पुस्तकांचा खजाना

काश्‍मीरात आतंकवाद्यांना घातले कंठस्नान, शौर्य पदकाने जवान ससाणेंचा सन्मान

देवा शप्पथ! आई, मी कधीच तंबाखू खाणार नाही; साताऱ्यात विद्यार्थ्यांचा व्यसनमुक्तीचा संकल्प

काय बाई सांगू, कसं गं सांगू.. मलाच माझी वाटे लाज!