एकीमुळेच महाविकास आघाडीचा विजय; माजी मुख्यमंत्र्यांची स्पष्टोक्ती

Satara Politics News Satara News
Satara Politics News Satara News

कऱ्हाड (जि. सातारा) : पदवीधर व शिक्षक मतदारसंघाची निवडणूक ही महाविकास आघाडीमुळे जिंकता आली. शिक्षक मतदारसंघातून लोकप्रतिनिधी जे निवडून जात होते. त्यांच्यापेक्षा चांगले काम प्रा. जयंत आसगावकर यांच्याकडून होईल, याची मला खात्री आहे. कॉंग्रेस पक्षाचे आमदार म्हणून त्यांच्या मागे पक्ष उभा असेल. सभागृहात शिक्षकांचे प्रश्न मांडताना ते मार्गी लावण्यासाठी कॉंग्रेस पक्ष व महाविकास आघाडी सरकार त्यांच्या पाठीशी असेल, असे प्रतिपादन माजी मुख्यमंत्री, आमदार पृथ्वीराज चव्हाण यांनी केले.
 
पुणे विभाग शिक्षक मतदारसंघाचे नवनियुक्त आमदार प्रा. जयंत आसगावकर यांचा एसजीएम महाविद्यालय येथे नुकताच श्री. चव्हाण यांच्या हस्ते सत्कार करण्यात आला. त्या वेळी ते बोलत होते. रयत शिक्षण संस्थेचे विश्वस्त ऍड. रवींद्र पवार, महाविद्यालयाचे प्राचार्य मोहन राजमाने, मलकापूरचे उपनगराध्यक्ष मनोहर शिंदे, महाराष्ट्र प्रदेश युवक कॉंग्रेसचे उपाध्यक्ष शिवराज मोरे, सचिन पाटील, नाना जाधव, उदय थोरात, इंद्रजित चव्हाण यांच्यासह महाविद्यालयाचे प्राध्यापक उपस्थित होते.

ग्रामपंचायत निवडणुकीत राष्ट्रवादीत दोन गट; सेनेच्या गोटात नाराजी
 
आमदार चव्हाण चव्हाण म्हणाले, "पहिल्यांदाच शिक्षक मतदारसंघाची निवडणूक ही पक्षाच्या पाठिंब्याने लढविली गेली. याचे मुख्य कारण जे मागील काही वर्षांत चुकीची प्रवृत्ती पसरत होती. महाविकास आघाडीतील तिन्ही पक्षांनी पदवीधर व शिक्षक मतदारसंघाची निवडणूक लढविताना विचार जपण्याचे काम केले. शिक्षकांचे प्रश्न प्रा. आसगावकर सभागृहात मांडतील व ते तडीस सुद्धा नेतील. महाविकास आघाडीचा एकत्रित यशस्वी प्रयोग राज्यभर या शिक्षक व पदवीधर निवडणुकीत पाहायला मिळाला. या एकीमुळेच राज्यात नुकत्याच पार पडलेल्या पदवीधर व शिक्षक विधान परिषद निवडणुकीत दोन शिक्षक व तीन पदवीधर मतदारसंघात तीन पदवीधर व एक शिक्षक महाविकास आघाडीचे उमेदवार निवडून आले.'' प्राचार्य राजमाने यांनी स्वागत केले. 

संपादन : बाळकृष्ण मधाळे

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com