शिरवडे (जि. सातारा) ः तारगाव (ता. कोरेगाव) येथे मासेमारी करणाऱ्या व्यक्तीस विशिष्ट दुर्मिळ प्रजातीचा झिंगा सापडला आहे.
तारगाव येथील कृष्णा नदीत साधारण तीन फूट लांबीचा झिंगा प्रजातीचा जलचर आढळला. लांब मिशा, निळ्या नांग्या, पारदर्शक पोट अशी वैशिष्ट्ये पाहून तारगाव येथील विकास दिलीप थोरात यांनी कोपर्डे पशुवैद्यकीय दवाखान्याचे डॉ. अनिल घाडगे यांच्याशी संपर्क साधला. अधिक माहिती घेतल्यानंतर या झिंगा प्रजातीची माहिती मिळाली. हा जलचर फार दुर्मिळ आढळतो. त्याचे शास्त्रीय व स्थानिक नाव "मॅक्रोब्राशिअम रोझेनबर्गी' (Macrobrachium rosenbergii) आहे. यालाच "जायंट प्रॉन' (giant river prawn) किंवा (giant freshwater prawn, palaemonid freshwater prawn) असेही म्हटले जाते. या झिंग्याच्या विक्रीसाठी चांगली किंमत असते. इंडो पॅसिफिक परिसरात दक्षिणपूर्व आशिया खंडात आणि ऑस्ट्रेलियाचा उत्तरेकडील भागात हा झिंगा सापडतो. अशी प्रजाती आपल्याकडे सापडणे फार दुर्मिळ आहे.
अशा प्रकारचा झिंगा पाहून उत्सुकता वाढली. त्याची पैदास अजून सापडण्याची शक्‍यता आहे. मत्स्य व्यवसाय विभागाने दखल घेणे गरजेचे वाटते.विकास थोरात, तारगाव (ता. कोरेगाव)
(संपादन ः संजय साळुंखे)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
