साता-यातील सैनिकाच्या मृत्यूप्रकरणी पुण्यात खुनाचा गुन्हा दाखल

सातारा : सैदापूर (ता. सातारा) येथे मारहाणीत जखमी झालेल्या सैनिकाचा उपचारादरम्यान पुण्यात मृत्यू झाला आहे. याप्रकरणी त्यांच्या पत्नीच्या फिर्यादीवरून अनोळखी व्यक्तींवर तालुका पोलिस ठाण्यात खुनाचा गुन्हा दाखल करण्यात आला आहे.
 
संदीप जयसिंग पवार (वय 39, रा. सैदापूर, पो. कोंडवे, ता. सातारा) असे मृताचे नाव आहे. याप्रकरणी त्यांची पत्नी चेतना पवार यांनी फिर्याद दिली आहे. संदीप हे सैनिक असून, सध्या ते सुटीवर आले होते. रविवारी (ता. 27) संदीप यांना मारहाण झाली होती. बेदम मारहाण झाल्याने ते जखमी अवस्थेत पडले होते. गंभीर जखमी झाल्याने त्यांना उपचारासाठी पुणे येथील रुग्णालयात दाखल करण्यात आले होते. उपचार सुरू असताना त्यांचा मृत्यू झाला. 

नाशिक-बेळगाव विमानसेवा 25 जानेवारीपासून;काेल्हापूर-गाेव्याचा प्रवास तीन तासांचा

शवविच्छेदन अहवालामध्ये त्यांना गंभीर दुखापत असल्याचे समोर आले. त्यानुसार वानवडी (जि. पुणे) पोलिस ठाण्यात तसा गुन्हा दाखल झाला. हा गुन्हा तपासासाठी तालुका पोलिस ठाण्यात वर्ग करण्यात आला आहे. चार दिवसांपूर्वी घडलेल्या घटनेप्रकरणी खुनाचा गुन्हा दाखल झाल्यामुळे तालुका व स्थानिक गुन्हे अन्वेषण विभागाचे पोलिस अलर्ट झाले आहेत.

फास्टॅगच्या बंधनावर तासवडे, आनेवाडीत उसळणार विराेधाची लाट? 

Edited By : Siddharth Latkar