Satara : लुटमारीनंतर दुचाकीसह एकाला टाकले कालव्‍यात | Sakal
sakal

बोलून बातमी शोधा

crime

Satara : लुटमारीनंतर दुचाकीसह एकाला टाकले कालव्‍यात

सातारा : सातारा एमआयडीसीत असणाऱ्या महाराष्‍ट्र स्कूटर्स परिसरात लिफ्‍टच्‍या बहाण्‍याने दुचाकीस्‍वारास अडवत तिघांनी मारहाण करून त्‍याच्‍याकडील रोकड, मोबाईल हिसकावल्‍याची घटना काल सायंकाळी घडली. लूटमार करणाऱ्यांनी ऐवज लुटल्‍यानंतर दुचाकीसह स्‍वारास कालव्‍यात ढकलून देत पळ काढला. याप्रकरणी तीन अज्ञातांवर सातारा शहर पोलिस ठाण्‍यात गुन्‍हा नोंदविण्‍यात आला आहे.

गोडोली येथील गोळीबार मैदान परिसरात अमोल बाळकृष्‍ण जगताप (वय ४०) हे राहण्‍यास आहेत. काल ते दुचाकीवरून महाराष्‍ट्र स्कूटर्स परिसरात गेले होते. स्कूटर कंपनीच्‍या गेटजवळ आले असतानाच त्‍यांना एकाने लिफ्‍ट मागितली. यामुळे दुचाकी थांबवत असतानाच लिफ्‍ट मागणाऱ्या व त्‍याच्‍या दोन साथीदारांनी जगताप यांना घेरले. मारहाण करत त्‍या तिघांनी जगताप यांच्‍याकडील १५० रुपयांची रोकड, १५ हजारांचा मोबाईल हिसकावला. यानंतर त्‍या तिघांनी जगताप यांची दुचाकी हिसकावली. दुचाकी हिसकावण्‍याच्‍या प्रयत्‍नास जगताप यांनी विरोध केल्‍यानंतर त्‍यांना तिघांनी मारहाण केली.

मारहाण करणाऱ्या त्‍या तिघांनी नंतर जगताप यांना, तसेच त्‍यांच्‍या दुचाकीस कालव्‍यात फेकले व पळ काढला. याची तक्रार जगताप यांनी सातारा शहर पोलिस ठाण्‍यात नोंदवली असून, तपास उपनिरीक्षक मोरे हे करीत आहेत. गेले काही दिवस सातारा एमआयडीसीत गुन्‍हेगारी कारवाया वाढल्‍या असून, त्‍यामध्‍ये त्‍याच परिसरातील स्‍थानिक युवकांचा सहभाग असल्‍याची चर्चा सुरू आहे. पोलिसांनी या स्‍थानिक टोळीच्‍या मुसक्‍या आवळण्‍याची मागणी उद्योजक, व्‍यावसायिकांनी केली आहे.

Web Title: Satara Thrown Into The Canal With Two Wheeler

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..