Satara: आगामी दोन दिवस थंडीच्या लाटेचा इशारा | Sakal
sakal

बोलून बातमी शोधा

winter
Satara: आगामी दोन दिवस थंडीच्या लाटेचा इशारा

सातारा : आगामी दोन दिवस थंडीच्या लाटेचा इशारा

सातारा : गेल्या आठवडाभरापासून जिल्ह्यातील वातावरणात अचानक बदल झाला असून, आगामी दोन दिवस थंडीची लाट येण्याची शक्यता हवामान विभागाने वर्तवली आहे. त्यानुसार जिल्ह्याचे किमान तापमान तीन अंशाने घसरणार आहे. त्यामुळे रात्रीच्या वेळी पारा नऊ अंशावर येण्याचा अंदाज आहे. त्यामुळे या बदलत्या हवामानात नागरिकांनी काळजी घेण्याचे आवाहन जिल्हा प्रशासनाच्या वतीने करण्यात आले आहे. (Satara Marathi News)

आज तसेच आगामी दोन दिवस उत्तर, पश्चिम, मध्यभारताच्या बहुतांशी भागामध्ये किमान तापमानात ३.५ अंशाने हळूहळू घट होण्याची शक्यता हवामान खात्याने वर्तवली आहे. त्यामुळे पारा घसरणार असल्याने थंडीची लाट येण्याची शक्यता आहे. उत्तर मध्य महाराष्ट्रात तुरळक ठिकाणी, थंडीची लाट येण्याची शक्यता वर्तवली जात आहे. आज दिवसभर जिल्ह्यातील तापमान कमी कमी होत होते. सायंकाळी नऊ अंशापर्यंत पारा खाली येणार असल्याचा अंदाज आयएमडीने व्यक्त केला आहे.

हेही वाचा: कोरोनाकाळात विद्यार्थांवर मानसिक परिणाम; सरकारकडून होणार सर्वेक्षण

सध्याच्या बदलत्या हवामानामुळे नागरिकांनी काळजी घ्यावी, तसेच उबदार कपड्यांचा वापर करावा, असे आवाहन केले आहे. आगामी दोन दिवस थंडीची लाट राहण्याचा अंदाज असून, तापमान आणखी खाली येण्याची भीती व्यक्त केली जात आहे. काही ठिकाणी पावसाचाही अंदाज आहे. आज दिवसभर साताऱ्याचे तापमान कमाल २५, तर किमान नऊ अंश सेल्सिअस राहिले होते. रात्रीचे तापमान आणखी खाली येण्याचा अंदाज आयएमडीने वर्तवला आहे. त्यामुळे थंड हवेच्या ठिकाणी राहणाऱ्या, तसेच पर्यटनासाठी येणाऱ्या नागरिकांनी विशेष काळजी घ्यावी, असे आवाहन जिल्हा प्रशासनाने केले आहे.

Web Title: Satara Winter Updates Weather Department

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :SataraWinter
go to top