पाटण तालुक्याची ओळख लोकनेते बाळासाहेब देसाई यांच्यामुळेच महाराष्ट्रात झाली.
मल्हारपेठ : पाटण तालुक्याची ओळख लोकनेते बाळासाहेब देसाई (Balasaheb Desai) यांच्यामुळेच महाराष्ट्रात झाली. त्याचप्रमाणे तुम्हा सर्वांच्या आशीर्वादाने महाविकास आघाडी सरकारमध्ये (Mahavikas Aghadi government) लोकनेत्यांचे राजकीय वारसदार म्हणून व शिवसेना पक्षाचा बांधील राहूनच प्रामाणिक काम केल्याने योगायोगाने तेच मंत्रिपद मिळाल्याने तालुक्याच्या विकासासाठी चांगली संधी मिळाली, असे उद्गार मंत्री शंभूराज देसाई (Minister Shambhuraj Desai) यांनी काढले.
नावडी नवीन वसाहतीत वेताळवाडी ते नावडी रस्ता डांबरीकरण भूमिपूजन, बौध्द वस्तीत अभ्यासिका इमारतीचे उद्घाटन या कार्यक्रमात ते बोलत होते. रविराज देसाई, जिल्हा परिषद सदस्य विजय पवार, पंचायत समिती सदस्य सुरेश पानस्कर उपस्थित होते. कोरोना संसर्ग महामारीने सर्व उद्योग धंदे बंद पडले. लोकांच्या नोकरीवर गदा आली. पण, शेती क्षेत्र टिकून राहिले. मतदारसंघात निधी कमी पडू दिला जाणार नाही, अशी ग्वाहीही त्यांनी दिली. कारखान्याचे संचालक पांडुरंग नलवडे यांनी प्रास्ताविक केले. नावडीसह अडूळ, नाडे, मल्हारपेठ, आबदारवाडी, गिरेवाडी, ठोमसे, सोनाईचीवाडी, विहे परिसरातील कार्यकर्ते उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
