सातारा : शहरातील फुटक्या तलावाचे सुशोभीकरण करण्यात येणार आहे. या तलावाचे सुशोभीकरण करावे, अशी सार्वजनिक बांधकाममंत्री शिवेंद्रसिंहराजे भोसले यांनी पालिकेकडे इच्छा व्यक्त केली होती. त्यानुसार पालिकेच्या येत्या शुक्रवारी होणाऱ्या प्रशासकीय सभेत तलावाच्या सुशोभीकरणाचा विषय विषयपत्रिकेवर घेतला आहे. यामुळे आगामी काळात फुटक्या तलाव परिसराचा कायापालट होणार आहे.